मेष (चु, चे, चो, ला, लि, लु, ले, लो, अ): आज शुभकार्यको चर्चा चल्नेछ। वैदेशिक संस्थाबाट सहयोग पाइनेछ। न्यायिक कार्यमा सफलता मिल्नेछ। धार्मिक तथा समाजसेवामा मन लाग्नेछ।
मिथुन (का, कि, कु, घ, ङ, छ, के, को, हा): नयाँ कार्यको थालनी होला। साथी भाइको भेटघाटले मन प्रफुल्ल रहला। आफ्नो क्षेत्रमा प्रभुत्व जमाउन सकिनेछ। भूमिबाट लाभ पनि रहला।
सिंह (मा, मि, मु, मे, मो, टा, टि, टु, टे): धर्म, कर्म तथा समाज सेवामा मन लाग्नेछ। आँटेको र ताकेको कार्य पुरा होला। वित्तिय संस्थाबाट सहयोग पाइनेछ। मिष्ठान्न भोजन प्राप्ति होला।
तुला (रा, रि, रु, रे, रो, ता, ति, तु, ते): शैक्षिक क्षेत्रबाट सफलता मिल्नेछ। भाग्यले विभिन्न अवसर जुराउनेछ। घरमा अतिथिको सेवा होला। प्रणयप्रसङ्गका लागि पनि श्रेष्ठ समय रहेको छ।
धनु (ये, यो, भा, भि, भु, धा, फा, ढा, भे): वैदेशिक क्षेत्रको काम अघि बढ्नेछ। लगनशीलताले कामहरू अगाडि बढ्नेछन्। शेयर बजारबाट लाभ मिल्नेछ। विश्वास गरेकाले साथ दिनेछन्।
कुम्भ (गु, गे, गो, सा, सि, सु, से, सो, दा): कार्यमा सफलता पाइनेछ। नयाँ व्यक्तिसँग भेटघाट हुनेछ। जीवनसाथीको सल्लाहमा गरिएको कार्यमा सफलता मिल्नेछ। शुभकार्यको चर्चा चल्नेछ।
वृष (इ, उ, ए, ओ, वा, वि, वु, वे, वो): आज आफन्तसँग भेटघाट रहनेछ। स्वादिष्ट भोजनको अवसर मिल्नेछ। शुभ कार्यको योजना बन्नेछ। नयाँ र शुभ समाचार पनि सुन्न पाइएला।
कर्कट (हि, हु, हे, हो, डा, डि, डु, डे, डो): नयाँ काम वा रोजगार पाइनेछ। इनाम र प्रतिष्ठा कमाउने बेला छ। परिवारमा सुख सन्तोष छाउनेछ। चलाखीपूर्ण बोलीले कार्य सफल हुनसक्छ।
कन्या (टो, पा, पि, पु, ष, ण, ठ, पे, पो): श्रमको उचित मल्याङ्कन हुनेछ। पठनपाठनमा प्रगति हुनेछ। मुद्दा मामिलामा विजयी प्राप्त हुनेछ। कलासाहित्य तथा सङ्गीतमा रुचि बढ्नेछ।
वृश्चिक (तो, ना, नि, नु, ने, नो, या, यि, यु): आज शरीर भारी र मन अस्थिर रहने संकेत देखिन्छ। पुँजी बजार भने ठिकै रहला। दिनको उत्तरार्धमा अधिक धन खर्च हुनसक्छ।
मकर (भो,जा,जि,जु,जे,जो,ख,खि,खु,खे,खो,गा,गि): आज आफ्नो क्षेत्रमा प्रभुत्व जमाउन सकिनेछ। शुभ समाचार सुन्न पाइएला। दाम्पत्य जीवन सुखमय रहनेछ। मान प्रतिष्ठामा वृद्धि पनि होला।
मीन (दि, दु, थ, झ, ञ, दे, दो, चा, चि): आफूलाई कमजोर भएको अनुभूति हुनेछ। अरूको वचन टाल्न नसक्दा दुःख पाइनेछ र खर्च पनि हुनेछ। प्रतिकूल समयले घेरेको छ, संयम रहनु होला।
राशिफल जे जस्तो भएपनि तपाईंको दिन मङ्गलमय रहोस्। – ज्यो.पं. नारायणप्रसाद दुलाल
