सुपादेउरालीको दर्शन गर्दै आज मंसिर २ गतेको राशिफल पढ्नुहोस्

आज मंसिर २, २०७८ तदनुसार नोभेम्बर १८ तारिक, सुपादेउरालीको दर्शन गर्दै आजको राशिफल पढ्नुहोस्।

मेष (चु, चे, चो, ला, लि, लु, ले, लो, अ): आज अरुलाई प्रभावित पारेर काम बन्नेछ। पुँजी बजार या शेयर बजारको क्षेत्रमा सफलता मिल्नेछ। मुद्दामामिलामा पनि विजयी भइनेछ।

मिथुन (का, कि, कु, घ, ङ, छ, के, को, हा): आफन्तहरूको सहयोगले कामहरू अगाडि बढ्नेछन्। दीर्घकालिक योजना कार्यान्वयन हुने र त्यसबाट दूरगामी प्रतिफल प्राप्त हुनेछ।

सिंह (मा, मि, मु, मे, मो, टा, टि, टु, टे): आज आतिथ्यपूर्ण सम्मान पाइएला। प्रेम र मित्रताको बन्धन कँसिने बेला छ। शत्रुबाट छुटकारा मिल्नेछ। सन्तान सुख पनि हुनेछ।

कुम्भ (गु, गे, गो, सा, सि, सु, से, सो, दा): आज धार्मिक कार्यमा रुचि बढ्नेछ। लगनशीलताले कामहरू अगाडि बढ्नेछन्। समाजसेवामा मन लाग्नेछ। पारिवारिक सद्भाव बढ्नेछ।

तुला (रा, रि, रु, रे, रो, ता, ति, तु, ते): विशिष्ट व्यक्तिको सहयोग पाइनेछ। छोटो दुरीको लाभदायक यात्रा रहला। वैदेशिक कार्य अघि बढ्नेछ। चिताएको कामले तीव्रता लिनेछ।

धनु (ये, यो, भा, भि, भु, धा, फा, ढा, भे): आज कुनै कुराले मनमा शान्ति छाउला। कार्यमा सफलता पाइनेछ। प्रेमसम्बन्ध कसिलो हुनेछ। साथीभाइ तथा कुटुम्बको सहयोग मिल्नेछ।

वृष (इ, उ, ए, ओ, वा, वि, वु, वे, वो): आफूलाई कमजोर भएको अनुभूति हुनेछ। दाम्पत्य जीवनमा एक किसिमको निरासा आउन सक्छ। सांगीतिक क्षेत्रमा रुचि बढ्नेछ।

कर्कट (हि, हु, हे, हो, डा, डि, डु, डे, डो): आज आफ्नो क्षेत्रमा प्रभुत्व जमाउन सकिनेछ। धर्मकर्म तथा समाजसेवामा मन लाग्नेछ। दिनको उत्तरार्धमा भने धन खर्च हुनेछ।

कन्या (टो, पा, पि, पु, ष, ण, ठ, पे, पो): आज मन खिन्न हुने स्थिति आउनेछ। महत्त्वाकाङ्क्षी योजना गोप्य राखेर अघि बढ्नुहोला। राजनीतिक कार्यमा बाधा आउनसक्छ।

वृश्चिक (तो, ना, नि, नु, ने, नो, या, यि, यु): आँटेको र ताकेको कार्यहरू पुरा होलान्। नयाँ कार्यको योजना बन्नेछ। वस्त्र एवं अलङ्कार प्राप्ति हुनसक्छ। रमाइलो यात्राको योग रहेको छ।

मकर (भो,जा,जि,जु,जे,जो,ख,खि,खु,खे,खो,गा,गि): आज आत्मबल बढ्नेछ। शत्रुहरू पराजित हुनेछन्। आफ्नो क्षेत्रमा प्रभुत्व जमाउन सकिनेछ। दाम, इनाम र प्रतिष्ठा कमाउने बेला छ।

मीन (दि, दु, थ, झ, ञ, दे, दो, चा, चि): आज महिला वर्गबाट विशेष सहयोग मिल्नेछ। कला र साहित्यिक क्षेत्रमा रुचि बढ्नेछ। सफल र रमाइलो यात्राको योग पनि रहेको छ।

राशिफल जे जस्तो भएपनि तपाईंको दिन मङ्गलमय रहोस्। – ज्यो.पं. नारायणप्रसाद दुलाल