गुल्मी, चैत्र ७: लुम्बिनी प्रदेशको लोक सेबा आयोगको परीक्षामा गुल्मेली छोरी र उनका श्रीमानले एकै साथ नवौँ तह डाक्टरमा आज नाम निकाल्न सफल भएका छन।
जिल्लाको सत्यवती गाउँपालिका-१, रुद्रवेणी स्थित सत्यवती गाउँपालिकाका पुर्व अध्यक्ष पारिश्वर ढकालकी छोरी डाक्टर शिला ढकाल र स्याङ्गजा निवासी उनका श्रीमान डाक्टर उत्सव रेग्मीले लुम्बिनी प्रदेश लोक सेवा आयोगको परिक्षामा नवौ तहको डाक्टरमा नाम निकाल्न सफल भएका हुन ।
‘छोरी डक्टर शिला यस अघि स्त्रीरोग बिशेषज्ञ आठौं तहको डाक्टर थिईन, उनले नवांै तहको परिक्षा दिएर बढुवा भएकी हुन । ज्वाँई भने हडरोग तथा नसा रोग बिशेषज्ञ डाक्टर हुनुहुन्थ्यो । उहाँले आज एकै चोटी नवौ तहको डाक्टरमा नाम निकाल्न सफल हुनु भएको छ । यस बाट हामी हर्षविभोर छौं ’– बाबु पारिश्वर ढकालले भने ।
डाक्टर उत्सव रेग्मी यस अघि बीर अस्पतालमा थिए । अब लुम्बिनी प्रादेशिक अस्पतालमा रहने छन । डाक्टर शिला यस अघि लुम्बिनी प्रादेशिक अस्पताल हुँदै , गुल्मी अस्पताल रहेकी थिईन । त्यस पछि जोहाङ्ग प्रथामिक उपचार केन्द्रमा करिव ३ बर्ष बसेर त्यस अस्पताललाई नमुना अस्पताल बनाउन अहंम भुमिका खेलेकी थिईन ।
कोराना महामारीमा पनि उनी अहोरात्र खटेकी थिईन । २०७६ सालको साउन ६ गते राती ठुलोलुप्केकमा बाढि पहिरोमा परी १३ जनाको मृत्यु हुँदा पनि डाक्टर शिला ढकाल सोही स्थानमा बसेर पोष्मार्टम देखि घाईतेहरुको उपचारमा खटेकी थिईन ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
