गुल्मीको अर्जैमा पहिरोले घर पुरिदा एकै परिवारका ४ जनाको मृत्यु, १ जना बेपत्ता

गुल्मी: गए राती गुल्मीको अर्जैमा पहिरोले घर बगाउदा एकै परिवारका ५ जना बेपत्ता भएका छन।

मालिका गाउँपालिका-६, अर्जै ठाटीपोखराका भेष बहादुर विकको घर बगाउँदा ४ जनाको मृत्यु र १ जना बेपत्ता भएको जिल्ला प्रहरी कार्यालय गुल्मीले जनाएको छ।

नेपाल रेडक्रस सोसाइटी अर्जै उपशाखाका सभापति ढुण्डिराज अर्यालका अनुसार भेष बहादुर सहित ४ जनाको शव फेला परेको छ। एक जना बेपत्ता छन।

जिल्ला प्रहरी कार्यालयका सुचना अधिकारी डिएसपी शंकर पोख्रेलका अनुसार प्रहरी निरीक्षक राम कुमार केसीको कमान्डमा ११ जनाको टोलि घटनास्थलमा जादै छ। मालिका गाउँपालिका उपाध्यक्ष उपेन्द्र अर्याल पालिका बाट आउने बाटो अवरुद्ध भएकोले डोजरले पन्छाउदै घटना स्थलमा जान लागेको बताउछ्न।

त्यस वडाका वडाध्यक्ष दिपक भण्डारी उद्धार कार्यमा जुटेका छन। उता इस्मा गाउँपालिका अध्यक्ष भगत सिंह खड्काका अनुसार उपल्लो फाँट स्थित रामु केसीको खाली घर र हुलामा एक गोठ बगाएको छ।

जिल्ला प्रहरी कार्यालयका अनुसार मृत अवस्थामा फेला परेका मानिसहरुको नामवली निम्नानुसार रहेको छ:

१) बर्ष अं.५५ को भेष बहादुर कामी
२) निजको बुहारी बर्ष अं. २६ की सिता बि.क.
३) निजको नातिनि बर्ष अं. ८ की सपना बि.क.
४) निजको नातिनि ८ महिनाको बिपना बि.क.
५) पुन १ जनाको लाश फेला परेको निजको श्रीमति बर्ष अं. ४८ की सुन्तली कामी