पछिल्लो अपडेट: पाल्पामा दुर्घटना हुँदा दश जनाको मृत्यु, १६ जना घाइते

पछिल्लोपटक अपडेट गरिएको: २०८०/११/१  ११:३० बजे

गुल्मी: पाल्पामा दुर्घटना हुँदा दश जनाको मृत्यु भएको छ।

आज अपराह्न तिनाउ गाउँपालिका-६ स्थित मस्यामको चिदिसमा जिप दुर्घटना हुँदा आठ जनाको मृत्यु भएको जिल्ला प्रहरी कार्यालयका डिएसपी सुवर्ण श्रेष्ठले जानकारी दिए।

तिनाउ गाउँपालिका वडा नम्बर ६ का वडा अध्यक्ष टोमबहादुर पुनले पनि दुर्घटनामा परी ८ जनाको घटनास्थलमै मृत्यु भएको बताए। दुर्घटना हुँदा १६ जना घाइतेको उद्धार गरी अस्पताल पठाएको पनि उनले बताए।

सिद्धार्थ राजमार्गको डुम्रेबाट चिदिस जादै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटनामा परेको हो । मृत्यु तथा घाइते हुनेहरु स्थानीय चिदिस गाउका रहेको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक सुगन्ध श्रेष्ठले जानकारी दिनुभयो । घटनास्थलबाट घाइतेहरुलाई लुम्बिनी मेडिकल कलेज प्रभासमा लगिएको छ।

जिल्ला प्रहरी कार्यालयले मृतक र घाइतेको पहिचान यसरी खुलाएको छ: