रोल्पामा मिनी ट्रक दुर्घटना: बाटो भासिँदा एक जनाको मृत्यु, चालक नियन्त्रणमा

​रोल्पा, २८ जेठ । रोल्पाको माडी गाउँपालिकामा आज बिहान एउटा मिनी ट्रक दुर्घटना हुँदा एक जनाको घटनास्थलमै मृत्यु भएको छ भने चालक सामान्य घाइते भएका छन्।

जिल्ला प्रहरी कार्यालय  रोल्पाका  सुचना अधिकारी  प्रहरी निरीक्षक सुनिल  थापा  नेपालीका  अनुसार आज (बुधबार) बिहान अन्दाजी ७:३० बजेको समयमा रोल्पाको माडी गाउँपालिका वडा नम्बर १ पात्लेस्थित बल्ले-झिनुवा भित्री सडक खण्डमा गुडिरहेको मिनी ट्रक दुर्घटनामा परेको हो।

बल्लेखोला देखि आलु लिएर पोखरातर्फ जाँदै गरेको रा १ ख ३०४५ नम्बरको मिनी ट्रक गुडिरहेको अवस्थामा एक्कासि बाटो भासिँदा सडकबाट अन्दाजी ३० मिटर तल खसेको प्रहरीले जनाएको छ।

दुर्घटनामा परि गाडीमा सवार सल्यानको बागचौर नगरपालिका वडा नम्बर ४ दुदिलाबोट बस्ने वर्ष ४७ का चन्द्रबहादुर बस्नेतको घटनास्थलमै मृत्यु भएको छ। उनको शव दुर्घटनास्थलमै रहेको र कानुनी प्रक्रिया पूरा गर्ने तयारी भइरहेको छ।
​उक्त मिनी ट्रक चालक दाङको बबई गाउँपालिका वडा नम्बर ५ जौबारी बस्ने वर्ष ४२ का नोखिराम वली रहेका छन्। दुर्घटनामा चालक वलीको ढाडमा सामान्य चोट लागेको र उनको अवस्था सामान्य रहेको प्रहरीले जनाएको छ।
​गाडीमा चालकसहित २ जना मात्र सवार थिए। घटना लगतै उद्धार कार्य जारी राखिएको