गुल्मी: सोमबार बिहान गुल्मीको सदरमुकाम तम्घास नजिकै रेसुङ्गा नगरपालिका, रैदीमा सवारी दुर्घटना हुँदा दुईजना घाइते भएका छन।
पश्चिम गुल्मीको इस्माको नयाँपोखराबाट तम्घास आउदै गरेको ग २ च ९८६ नम्बरको डबल क्याप जिप र तम्घासबाट त्यस तर्फ जादै गरेको लु १ क ४८७६ नम्बरको ट्रिपर एक आपसमा ठोक्किदा चालक सहित दुई जना घाईते भएको जिल्ला ट्राफिक कार्यालय गुल्मीले जनाएको छ।
जिल्ला प्रहरी कार्यालयका सूचना अधिकारी डिएसपी शंकर पोख्रेलका अनुसार जिप चालक ३० बर्षिय हरि कुँवर र इस्मा गाउँपालिका-१, जुकेपानीकी ५६ बर्षिया मनकला घर्ती घाईते भएका छन। गुल्मी अस्पतालमा उपचार गराई रहेका उनिहरुको अवस्था मध्यम रहेको पोख्रेलले बताए। जिपमा सवार ४/५ जना रहेको बताईन्छ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। 
|
