अर्घाखाँचीमा ट्रिपर दुर्घटनामा एक जना घाईते

गुल्मी: हिजो साँझ गुल्मीको रिडीबाट हिडेको ट्रिपर अर्घाखाँचीको पाणेनी गाउँपालिकामा दुर्घटना हुँदा एक जना घाईते भएका छन। पाणेनी गाउँपालिका-६ को धातिबाङ र ७ को झन्द्रेकको बिचमा पर्ने डल्लेरह भन्ने स्थानमा दुर्घटना हुँदा एक जना घाईते भएको अर्घाखाँची प्रहरीले जनाएको छ।

अर्घाखाँचीका जिल्ला प्रहरी प्रमुख डिएसपी प्रतिक सिंह राठौरका अनुसार उक्त स्थानको सडकमा लु ३ ख २४१५ नम्बरको ट्रिपर ब्रेक फेल भई तल खोलामा खसेको छ। त्यसका चालक सामान्य घाईते भएको जानकारी आए पनि प्रहरी त्यहाँ जाँदै गरेकोले नपुगे सम्म विस्तृत विवरण आउन बाँकी रहेको डिएसपी राठौरले जानकारी दिए।