सामुदायिक रेडियो मदनपोखरा पाल्पाको रजत महोत्सवको अवसरमा भोजन दान

पाल्पा: सामुदायिक रेडियो मदनपोखरा पाल्पाले आगामी चैत्र २३ गते रजत महोत्सव मनाउने भएको छ। यसै अवसरमा दृष्टिविहिन विद्यार्थीका लागि आइतबार भोजन दान गरेको छ। तानसेन-९ मा रहेको दमकडा नमुना माध्यमिक विद्यालय दमकडा पाल्पाका दृष्टि विहिन शाखाका सम्पुर्ण विद्यार्थीहरुलाई भोजन दान गरेको हो।

कार्यक्रममा रेडियोका अध्यक्ष झपेन्द्र वहादुर जि.सी.ले रेडियोले विगतमा गरेका कामको स्मरण गर्दै यस्तो कार्यक्रम गर्नुको आचित्यमाथि प्रकाश पार्नुभएको थियो।

कार्यक्रममा विद्यालयका अध्यक्ष राजेश कुमार अर्याल, प्रधानध्यापक मोहन प्रसाद सापकोटा तथा रेडियोका कार्यकारी निर्देशक गुणाकर अर्यालले रेडियो मदनपोखरा र दमकडा मा.वी. विचको दीर्घकालीन सुसम्बन्ध र समय समयमा सम्पन्न गर्दै आएका विभिन्न सहकार्यको चर्चा गर्नु भएको थियो।

यो अन्योन्याश्रित सम्वन्धलाई भविष्यमा पनि दिगो राख्न सबैले साथ दिनुपर्नेमा जोड दिनुभयो। दृष्टिविहिन विद्यार्थीहरुको तर्फबाट कक्षा ११ मा अध्ययनरत जगत कुंवरले विद्यार्थीहरुको जीवनमा सामुदायिक रेडियो मदनपोखरा पाल्पाले पारेको सकारात्मक प्रभावको उल्लेख गर्दै रेडियोको प्रगति र रजत महोत्सवको पूर्ण सफलताको शुभकामना दिनुभएको थियो। विद्यालयका प्रधानाध्यापक मोहन सापकोटाले विद्यालयको तर्फबाट रेडियोलाई मायाको चिनो समेत प्रदान गर्नुभएको थियो।