बागलुङमा पिकअप जिप दुर्घटना हुँदा ४ जना घाईते

बागलुङ: गलकोट नगरपालिका वडा नम्बर ९ बाँसखोलामा पिकअप जिप दुर्घटना हुदा ४ जना घाईते भएका छन्।

वागलुङदेखि काँडेवास तर्फ जादैँ गरेको ग १ च ३७५७ नम्वरको पिकअप जिप मध्यपहाडी लोकमार्गमा आफैँ अनियन्त्रित भई सडक देखि करिव १० मिटर तल खस्न जाँदा ४ जना घाईते भएका छन्।

जसमध्ये गलकोट नगरपालिका वडा नम्वर ११ काउछेका २५ वर्षिय लप्सन श्रीस, गलकोट नगरपालिका वडा नम्वर ८ का १९ वर्षिय सोनिसा सलामि, गलकोट नगरपालिका वडा नम्बर ८ कै २१ वर्षिय सुनिता दर्जी र गलकोट नगरपालिका वडा नम्वर ९ का सवारी चालक २४ वर्षिय जनम थापा दु्र्घटनामा परी सामान्य घाईते भएको हटिया प्रहरी चौकिले जनाएको छ।

घाईतेहरुको ईमरजेन्सी पोलिक्लिनिकमा उपचार भईरहेको छ। बडिगाड अनलाइनमा यो खबर प्रकाशित छ।