आज गुल्मीको मालिकाको दर्लिङमा बस आउने, स्थानीयहरू खुशी

गुल्मी: गुल्मीको मालिका गाउँपालिकाको दर्लिङमा बस आउने भएको छ। जिल्लाको विकट भनेर चिनिने मालिका-१ को नेटा, वडा नम्बर २ को दर्लिङ र वडा नम्बर ३ को ह्वाङ्दीमा बस आउने भएको हो।

फागुन ५ गते पश्चिम नेपाल बस व्यवसायी समितिको बस आउने बिहान १० बजे दर्लिङ आउने गाउँपालिकाका प्रवक्ता शोभाखर गिरीले जानकारी दिए। सडकको पहुँच नभएका कारण नेटा, दर्लिङ, र ह्वाङ्दीका नागरिक चर्को भाडा तिरेर तम्घास, बुटवल पुग्नुपर्ने बाध्यतामा रहेका थिए।

अहिले सडक स्तरोन्नतिको काम सकेर बस ल्याउन थालिएको गिरिले बताए। बस सेवाको शुभारम्भ नेकपा एमालेका सचिव तथा सांसद गोकर्ण विष्टले उद्घाटन गर्ने कार्यक्रम रहेको छ। बस आउने भएपछि स्थानीय बसको प्रतिक्षामा खुशी छन्।