आज देखि तानसेन-रिडी-तम्घास सडकखण्ड दैनिक ११ घण्टा बन्द हुने

गुल्मी: बुधबार (आज) देखि  पाल्पाको तानसेन-रिडी-तम्घास सडकखण्ड दैनिक ११ घण्टा बन्द हुने भएको छ।

यहि मंसिर ८ गतेदेखि मंसिर २२ गतेसम्म १५ दिन सडक बन्द गर्न लागिएको हो। सडक डिभिजन कार्यालय तानसेनले सूचना जारी गर्दै सडकखण्ड अन्तर्गत रिब्दीकोट गाउँपालिकाको जोर्ते भिरमा बाटो फराकिलो गर्नका लागि सडक बन्द गर्न लागिएको जनाएको छ।

सडकखण्डमा बिहान १०ः३० देखि दिउँसो ३ः०० बजेसम्म र राती ९ देखि बिहान ४ बजेसम्म दुईतर्फी बाटो बन्द रहने डिभिजन प्रमुख रामेश्वर लम्सालले बताए।

उनले अत्यावश्यक सेवा बाहेक सबै सवारी साधन रोकिने जानकारी दिनुभयो। उक्त अवधिमा वैकल्पिक सडकमार्ग प्रयोग गर्न समेत सडक डिभिजन कार्यालय तानसेनले अनुरोध गरेको छ। खबरमार्केट डटकममा यो खबर छ।