बागलुङ: हिजो भएको गलकोट उद्योग वाणिज्य संघको प्रथम अधिवेशनमा निर्वाचन प्रणालीबाट अध्यक्षमा ढिलिन्द्र गौतम निर्वाचित हुनुभएको छ। मतले पछाडि पार्दै १ सय ४८ मत प्राप्त गरेर निर्वाचित हुनुभएको हो।
उहाँका प्रतिद्वन्दी दिलिप कुमार श्रेष्ठले १ सय ४४ मत प्राप्त गर्नुभएको थियो। अध्यक्षमा निर्वाचित हुनुभएको गौतम नेपाली कांग्रेस र नेकपा माओवादी केन्द्रको गठबन्धनबाट अध्यक्ष पदमा उम्मेदवार बन्नुभएको थियो। साथै श्रेष्ठ स्वतन्त्र अध्यक्ष पदका उम्मेदवार बन्नुभएको थियो।
त्यस्तै नेपाली कांग्रेस र नेकपा माओवादी केन्द्रको गठबन्धनबाट महिला सदस्यमा कौशिला घर्तीले २ सय २८ मत, बालकुमारी श्रीसले १ सय ६० मत, उद्योग सदस्यमा तुलाराम गौतमले १ सय ५६ मत प्राप्त गरेर निर्वाचित हुनुभएको थियो।
त्यस्तै खुल्ला सदस्यमा गठबन्धनबाट टिकाराम गौतमले १ सय ८० मत, भिम बहादुर केसीले २ सय ९ मत, दल बहादुर घर्तीले १ सय ८३ मत, श्याम सुन्दर भण्डेलले १ सय ७८ मत, भिम बहादुर केसी (बाबुराम) ले १ सय ८२ मत, सन्त बहादुर भण्डारीले १ सय ८१ मत, गोविन्द प्रसाद उपाध्यायले १ सय ८८ मत, नेकपा एमालेका धन बहादुर केसीले १ सय ८५ मत प्राप्त गरेर विजयी बन्नुभएको निर्वाचन अधिकृत देवेन्द्र बहादुर खत्रीले बताउनुभयो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
