सन्तोष गहतराज
पाल्पाको तानसेन नगर पालिका स्तरीय दाेश्रो मेयर कप रनिङ्ग शिल्ड ब्याडमिन्टन प्रतियाेगिता २०८१शनिबार देखि शुरु भएको छ ।
तानसेन नगरपालिका खेलकुद विकास समितिकाे आयाेजना,तानसेन नगरपालिका शिक्षा,युवा तथा खेलकुद शाखाकाे संयाेजन तथा जिल्ला ब्याडमिन्टन संघ पाल्पाकाे व्यवस्थापनमा प्रतियाेगिता शनिबारबाट तानसेन नगरपालिका -१ काे कबर्ड हलमा शुरू भएको हाे ।
प्रतियोगिताको शुभारम्भ गर्दै तानसेन नगरपालिकाका नगर प्रमुख सन्तोष लाल श्रेष्ठनगर प्रमुख श्रेष्ठले खेलकुदले व्यक्तिको शारीरिक तथा मानसिक स्वास्थ्यमा सकारात्मक प्रभाव पार्नुका साथै अनुशासन, सहकार्य र प्रतिस्पर्धात्मक भावनाको विकास गर्ने बताए ।
यस्ता प्रतियोगिताहरूले नगरका युवाहरूलाई आफ्नो प्रतिभा प्रदर्शन गर्ने मंच उपलब्ध गराउने मात्र नभई, उनीहरूलाई राष्ट्रिय तथा अन्तर्राष्ट्रिय स्तरमा उत्कृष्ट खेलाडीका रूपमा अघि बढ्न प्रोत्साहन गर्ने धारणा राखेका थिए ।
यो प्रतियोगिता नगरपालिकाको खेलकुदप्रतिको प्रतिबद्धताको एउटा उदाहरण हो । आगामी दिनमा पनि यस्ता प्रतियोगिताहरूलाई निरन्तरता दिँदै, खेलाडीहरूलाई आवश्यक सहयोग र सुविधाहरू उपलब्ध नगरपालिका तयार रहेको छ, – मेयर श्रेष्ठले भने ।
कार्यक्रममा तानसेन नगरपालिका वडा न १ का वडा अध्यक्ष सुनिल कुमार बस्याल,वडा न ६ का वड अध्यक्ष सागर मान महर्जन,जिल्ला ब्याडमिन्टन संघ पाल्पाका अध्यक्ष वसन्त लाल बज्राचार्य लगायतकाे उपस्थिति रहेको थियाे ।
कार्यक्रममा तानसेन नगरपालिका खेलकुद विकास समिति संयाेजक हेमन्त राज शाक्यले खेलकुद केवल मनोरञ्जनको साधन मात्र नभई, समाजलाई अनुशासन, एकता र स्वस्थ जीवनशैलीतर्फ प्रेरित गर्ने माध्यम रहेको बताएका थिए ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
