Awareness Campaign

ताराखसे युवा क्लबको १३ औँ वार्षिकोत्सवमा मालारानी सेवा समाज जापान मुख्य प्रायोजक



केशव खड्का
१ हप्ता अगाडि


Place for ads

गुल्मी: ताराखसे युवा क्लबले १३ औँ वार्षिकोत्सवको अवसरमा आयोजना गर्न गइरहेको कार्यक्रममा मालारानी सेवा समाज जापानले पुरुष भलिबल तर्फको प्रथम र तृतीय पुरस्कार गरी नगद रु. १,०५,०००/- सहयोग गरेको छ।

आफ्नो गाउँमा क्लबले गरेको यति ठुलो कार्यक्रममा मुख्य प्रायोजकको रुपमा सहयोग गर्न पाउँदा खुशी लागेको समाजका अध्यक्ष चेतबहादुर खत्रीले बताउनु भयो। यस संस्थाको उद्देश्य रोजगारीको लागि जापानमा रहनुभएका मालारानीवासीहरुलाई एकतावद्ध गरी संस्थागत रुपमा अघि बढ्ने योजना अनुरुप समाज गठन गरिएको समाजका कोषाध्यक्ष खिन घर्तीले बताउनु भयो।

यस संस्थाले हरेक बर्ष क्लबको कार्यक्रममा सहयोग गर्दै आईरहेको र आगामी दिनहरुमा पनि निरन्तर क्लबको संरक्षकको रुपमा सहयोग गर्ने प्रतिबद्धता जनाएको छ। यस संस्थाले विगतमा पनि दीनदुखी, बिरामी, प्राकृतिक प्रकोप जस्ता भईपरी आउने अवस्थामा पनि मानवीय सेवा गर्दै आईरहेको संस्थाका सचिव श्याम छन्त्यालले बताउनुभयो।

Forest
Forest
Ad.

ताराखसे युवा क्लबले आफ्नो १३ औँ वार्षिकोत्सवको अवसरमा आयोजना गर्न गइरहेको भलिबल प्रतियोगिता तथा विविध सांस्कृतिक कार्यक्रमको उद्देश्य राष्ट्रिय खेल भलिबलको विकास र विस्तारका निम्ति स्थानीय स्तरमा लुकेका प्रतिभाशाली खेलाडीहरूको क्षमता अभिवृद्धि गरी राष्ट्रिय स्तरमा पुर्याउने रहेको क्लबका सचिव नविन घरब्जा छन्त्यालले बताउनुभयो। मालारानीमा रहेका ऐतिहासिक पर्यटकिय स्थल सालिमे दह र ताराखसेको प्रचारप्रसार गरी आन्तरिक पर्यटक भित्र्याउने, लोपोन्मुख घाटु र सोरठी नाचको संरक्षण र प्रवर्धन गर्ने हेतुले पनि कार्यक्रम गर्न लागिएको उहाँले बताउनुभयो।

खुल्ला वडा स्तरीय पुरुष भलिबल प्रतियोगितामा प्रथम, द्वितीय र तृतीय हुने समूहलाई क्रमशः नगद रु. ७५,०००/-, रु. ५०,०००/- र रु. ३०,०००/- का साथै कप, मेडल र प्रमाणपत्र प्रदान गरिनेछ। यसैगरी खुल्ला महिला भलिबल प्रतियोगितामा प्रथम, द्वितीय र तृतीय हुने समूहलाई क्रमशः नगद रु. ३०,०००/-, रु. २०,०००/- र रु. १०,०००/- का साथमा कप, मेडल र प्रमाणपत्रले सम्मान गरिनेछ। पुरुष भलिबल प्रतियोगितामा सहभागी हुने समूहले रु. २,५००/- र महिला भलिबल प्रतियोगितामा सहभागी हुने समूहले रु. १,०००/- दर्ता शुल्क बुझाउनु पर्नेछ।

कार्यक्रममा विविध सांस्कृतिक झाँकीहरु प्रदर्शन गरिनुका साथै ज्येष्ठ नागरिक सम्मान गरिने बताइएको छ। ओझेलका खबर मिडिया र मुसिकोट न्यूज डटकम यस कार्यक्रमका मिडिया पार्टनर्स रहेका छन्।

   
   
कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

Awareness by SKF

तपाईलाई यो खबर कस्तो लाग्यो

केशव खड्का को बारेमा

केशव खड्का ओझेलका खबर संवाददाता हुन।

केशव खड्का द्वारा प्राकाशित अन्य समाचार हेर्नुहोस →