वसन्त पञ्चमीको अवसरमा सौभाग्य मा. वि.मा सरस्वतीको मूर्ति प्राण प्रतिष्ठा, पूजा र अक्षरारम्भ कार्यक्रम सम्पन्न

पाल्पा: वसन्त पन्चमीको अवसरमा सौभाग्य माध्यमिक विद्यालय माथागडी-१, चिदिपानीमा सरस्वतीको मुर्ति प्राण प्रतिष्ठा, पुजा, अक्षरारम्भ एवम् नवनिर्मित मन्दिर उद्घाटन कार्यक्रम सम्पन्न भएको छ।

कार्यक्रमका प्रमुख अतिथी माथागढी वडा नं १ का वडाध्यक्ष तथा विद्यालय व्यवस्थापन समितिका अध्यक्ष राज कुमार पन्थीले आफ्नै ठानेर विद्यालय हाता भित्र मन्दिर निर्माण गर्न सहयोग गर्नुहुने चधौलीवासी र सरस्वतीको मुर्ति सहित स्थापनाको सम्पुर्ण खर्च बेर्हुनु भएका पुर्व विद्यार्थि राम बाबु नेपालको परिवारले गर्नु भएको योगदानको प्रशासा गर्दै धन्यवाद व्यक्त गर्नु भएको थियो।

उहाँले आजको दिन बालबालिका र बिध्यालयको लागि ऐतिहासिक दिन भएको उल्लेख गर्दै अभिभावकको सपना साकार पार्न गुणस्तरिय शिक्षा दिदै दक्ष जनशक्ति निर्माणमा विधालय समुदायको थप दायित्व सिर्जना भएको बताउनुभयो।

मन्दिर माथागढि वडा नं १ बाट विनियोजन भएको ३ लाख रुपैयाको खर्चमा निर्माण भएको हो । सरस्वतिको मुर्ति प्राण प्रतिस्ठा पुजामा विद्यालयका पुर्व प्रधानाध्यापक एव्म विद्यालय व्यवस्थापन समितिका पुर्व अध्यक्ष होमनाथ शर्मा आचार्य र विद्यालयका प्रधानाध्यापक कृष्ण प्रसाद खनालले भएको थियो ।

१५ जना बालबालिका अक्षरारम्भमा सहभागि भएको र पुजा अर्चनामा अभिभावकहरुको बाक्लै उपस्थिति रहेको विद्यालयका सहायक प्रधानाध्यापक अनुप शर्माले जानकारि दिनुभयो।