मुटु रोगी सचिन पुनको उपचारार्थ जापानबाट दिपक कुँवर मगरको पहलमा करिब २ लाख सहयोग संकलन

गुल्मी: गुल्मीको मुसिकोट नगरपालिका-४, गजुङ्गा निवासी बल बहादुर पुन र सावित्रा पुनका २१ वर्षिय छोरा सचिन पुन मुटु सम्बन्धी रोगले थलिएर पहिले गौतमबुद्ध सामुदायिक मुटु अस्पताल र हाल सहिद गंगालाल हृदयरोग केन्द्रमा उपचाररत छन्।

चिकित्सकको रिपोर्ट अनुसार उनको मुटुको अपरेसन गर्नुपर्नेछ तर कमजोर आर्थिक अवस्थाका कारण उपचार रोकिने अवस्था निम्तिएकोले दिपक कुँवर मगरको पहलमा सहयोग संकलन अभियान सञ्चालन गरेर आर्थिक सहयोगको आग्रह गरिएको थियोे। अभियन्ता कुँवर मगरले भन्नुभयो, ‘हाम्रो आग्रहलाई स्वीकार गर्दै यस अभियानमा हातेमालो गर्ने सम्पूर्ण सहयोगदाताहरुलाई हार्दिक धन्यवाद व्यक्त गर्दछौँ।’

साथै यो जानकारी गराउन चाहन्छौँ कि ‘सचिन पुन बचाऔँ अभियान’ मार्फत संकलित जापानिज येन २,०२,६०१/ अर्थात नेपाली रकम ने.रु. १,७९,३२२/- मुसिकोट नगरपालिका-४ का वडाध्यक्ष श्री जुक्त बहादुर छन्त्याल ज्यूको बैंक खातामा पठाइसकिएको सचिन पुन बचाऔँ अभियानका अर्का सञ्चालक रामजी कुँवर मगरले हामिलाई जानकारी दिनु भएको छ।

उक्त सहयोग रकम पर्सी (शनिबार) बिरामी सचिन पुनकी आमा सावित्रा पुनलाई हस्तान्तरण गर्ने कार्यक्रम तय गरिएको छ। अभियन्ता दिपक कुँवर मगरले भन्नुभयो, ‘उक्त सहयोग रकमको पूर्ण सदुपयोग हुने वा उपचारमा खर्च गरिने विश्वास लिएका छौँ। सचिन पुनको पूर्ण स्वास्थ्य लाभको कामना पनि गर्दछौँ।’

सहयोगदाताहरुको नामावली र रकमको विवरण यसप्रकार रहेकाे छ:

यो पनि: ‘सचिन पुन बचाऔँ अभियान’ अन्तर्गत चेक रिपब्लिकबाट अढाई लाख बढी सहयोग संकलन