‘सचिन पुन बचाऔँ अभियान’ अन्तर्गत चेक रिपब्लिकबाट अढाई लाख बढी सहयोग संकलन

गुल्मी: गुल्मीको मुसिकोट नगरपालिका-४, गजुङ्गा निवासी बल बहादुर पुन र सावित्रा पुनका २१ वर्षिय छोरा सचिन पुन मुटु सम्बन्धी रोगले थलिएर गौतमबुद्ध सामुदायिक मुटु अस्पतालमा उपचाररत छन्। चिकित्सकको रिपोर्ट अनुसार उनको मुटुको अपरेसन गर्नुपर्नेछ तर कमजोर आर्थिक अवस्थाका कारण उपचार रोकिने अवस्था आएपछि सहयोगको याचना गरिएको थियो।

अतिविपन्न परिवारका सचिन पुनको उपचारार्थ चेक रिपब्लिकमा रहेका ऋषिराम गिरी, विशाल अधिकारी, लक्ष्मी सारु मगर र वसन्त घिमिरेको पहलमा सञ्चालित ‘सचिन पुन बचाऔँ अभियान’ मार्फत आजसम्म ४५ हजार चेक कोरुना (नेपाली रु. अढाई लाख बढी) संकलन भइसकेको र छिट्टै बिरामीलाई हस्तान्तरण गरिने अभियन्ता ऋषिराम गिरीले बताउनुभयो। उहाँले सम्पूर्ण सहयोगी मनहरु प्रति आभारी रहेको बताउनुभयो।

अपडेट: ‘सचिन पुन बचाऔँ अभियान’ मार्फत संकलित रकम ने.रु. २,८४,१२३ (४९,६५६ चेक कोरुना) मुसिकोट नगरपालिका-४ का वडाध्यक्ष श्री जुक्त बहादुर छन्त्याल ज्यूको बैंक खातामा पठाइसकिएको छ। उक्त सहयोग रकम पर्सी (शनिबार) बिरामी सचिन पुनकी आमा सावित्रा पुनलाई हस्तान्तरण गर्ने कार्यक्रम तय गरिएको छ।

उक्त सहयोग रकमको पूर्ण सदुपयोग हुने वा उपचारमा खर्च गरिने विश्वस्त रहेको ऋषिराम गिरीले बताउनुभयो। उहाँले बिरामी सचिन पुनको पूर्ण स्वास्थ्य लाभको कामना पनि गर्नुभएको छ। हाल उनको उपचार सहिद गंगालाल हृदयरोग केन्द्रमा भइरहेको छ।

अन्तिमपटक अपडेट गरिएको: २०८० माघ १८      दिउँसो १ बजे

संकलित रकम र सहयोगदाताहरुको नामावली निम्नानुसार रहेको छ: