‘आमा’ विशेष दस टुक्का कविताहरु

– शिव कुमार रेग्मी

(१)
माया-ममताको ठूलो खानी हुन आमा
आमाको पछिल्लो दर्जा हुनुहुन्छ मामा।

(२)
पहिलो गुरूको रूपमा हुनुहुन्छ आमा
काँधमा राखेर नै बाटो देखाउने मामा।

(३)
आफु भोकै बसेर खाना खिलाउनुहुन्छ
चाडै सुतोस् भनेर झुला हिलाउनुहुन्छ।

(४)
दुखी हुदा कुनामा लुकी एक्लै रूनुहुन्छ
सुटुक्क बाहिर निस्किई मुख धुनुहुन्छ।

(५)
अचम्मको हुन्छ है आमाहरूको संसार
कहिल्यै नरित्तिने रैछन् मायाको धंसार।

(६)
आमाको आशिषले जीवन सभ्य पाईन्छ
सारा जन्ममा आमाको गुणगान गाईन्छ।

(७)
सभ्य संकार नै हामीलाई पढाउनुहुन्छ
आशिष,हौसला दिदै अघि बढाउनुहुन्छ।

(८)
आमाको आशिर्वाद मान्दछु पुर्ण निकास
आशिर्वाद कै कारण हुन्छ हाम्रो विकास।

(९)
आज साह्रै आमा र मामाको याद आयो
किन होला आज सारा चित्रहरू छायो?

(१०)
आमा-मामालाई भित्री मनले प्रणाम गर्दछु
इश्वरिय रूपका आमा-मामाको गुण छर्दछु।

पोखराथोक, पाल्पा