सुपादेउराली मन्दिर: मनले चिताएको पूरा हुने देवीको मन्दिर रहेको विश्वास

मधुसुदन घिमिरे, अर्घाखाँची: अर्घाखाँची जिल्लाको मध्यभागमा पर्ने सुपदेउराली मन्दिरमा भाकल गरेर मनले मागेको कुरा पुरा हुने किम्वदन्ती रहेको छ। यो पश्चिम नेपालकै प्रसिद्ध धार्मिक पर्यटनको केन्द्र बन्दै गएको छ।

अर्घाखाँचीको सन्धिखर्क गोरुसिङ्गे राजमार्गस्थित सुपाखोलाको पश्चिम पाउमा अवस्थित यो देवी मन्दिर नरपानी र फलामे दुवै अग्ला पहाडको बीचमा रहेको सुपादेउराली मन्दिर कहालीलाग्दो भीमकाय खोँचमा रहेको छ।

बिहानै देखि भिडभाड लाग्ने उक्त मन्दिर सोमबार साझपख सरसफाई पछि भने सुन्दर र शान्त देखिएको थियो। सुपादेउराली मन्दिर पछिल्लो समय पर्यटकिय गन्तव्यको रुपमा विकास हुदै गएको छ। जाने होइन सुपादेउराली मन्दिर दर्शन गर्न? तस्वीर: मधुसुदन घिमिरे/खबरपात्रो