हँसिया प्रहारबाट एकै परिवारका पाँचजना घाइते, दुवै हत्केला छिनिने गरी आक्रमण; एकजना पक्राउ

दैलेख । दैलेखको ठाटीकाँध गाउँपालिका–४ धनकोटमा हँसिया प्रहार गरी कुटपिट गर्दा एकै परिवारका पाँचजना घाइते भएका छन्। घटनामा तीन महिनाकी शिशुसमेत घाइते भएकी छन्।

प्रहरीका अनुसार आज करिब ५ बजे सोही ठाउँका अन्दाजी ३६/३७ वर्षीय बमबहादुर रावत स्थानीय चन्द्रबहादुर पुन मगरको घरमा गई धारिलो हतियार हँसिया प्रहार गरी कुटपिट गरेका थिए।
उक्त घटनामा पुनकी श्रीमती, बुहारी, दुई छोरी र तीन महिनाकी नातिनी घाइते भएका हुन्।

थप अनुसन्धान तथा आवश्यक कारबाहीका लागि बिहान ८ः४० बजे इलाका प्रहरी कार्यालय दुल्लुबाट प्रहरी निरीक्षक सरोज कडेलको कमाण्डमा नौजनाको थप प्रहरी टोली घटनास्थलतर्फ खटिएको थियो।
हँसिया प्रहार गर्ने आरोपमा बमबहादुर रावतलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।

…..
ओझेलका खबर — खबर भित्रको खबर
…….
पोस्ट मिति : २०८३ कात्तिक २२ गते
समय : दिउँसो २.३८
…..
सन्तुलित आलोचना, रचनात्मक सुझाव र मार्गदर्शनमूलक टिप्पणीलाई स्वागत छ। गालीगलौज तथा अमर्यादित टिप्पणी नगरौँ।….
.