अछाम । अछामको पञ्चदेवल विनायक नगरपालिका–४ थापामोडस्थित मध्यपहाडी राजमार्गमा गएराति जिप दुर्घटना हुँदा दुई जनाको मृत्यु र तीन जना घाइते भएका छन्।
दार्चुलाबाट जुम्लातर्फ जाँदै गरेको बाप्र ०१–०२७ च २२७७ नम्बरको जिप सडकबाट करिब २०० मिटर तल खसेको जिल्ला प्रहरी कार्यालय अछामले जनाएको छ।
दुर्घटनामा घाइते भएका हेटौँडा उपमहानगरपालिका–४ का ४१ वर्षीय नवीन तुलाधर र बर्दिया बाँसगढी नगरपालिका–५ का ४५ वर्षीय रामप्रकाश थारूको उपचारका क्रममा प्रादेशिक अस्पताल सुर्खेतमा मृत्यु भएको प्रहरी निरीक्षक केशव खड्काले जानकारी दिनुभयो।
घाइते तीन जनामध्ये स्याङ्जा फेदीखोला गाउँपालिका–४ का अर्जुनकुमार पौडेलको अवस्था सामान्य रहेको छ। त्यस्तै सिराहा कल्याणपुर नगरपालिका–१० का २७ वर्षीय सन्तकुमार साह र जिप चालक नेपालगञ्ज उपमहानगरपालिका–५ का २८ वर्षीय राजराजेन्द्र भिमराज चट्टान गुप्ताको अवस्था गम्भीर रहेको प्रहरीले जनाएको छ।
घाइतेहरूको बेलखेतबाट खटिएको प्रहरी टोलीले उद्धार गरी दैलेखको राकमस्थित राकम कर्णाली आधारभूत अस्पताल पुर्याएको थियो। प्राथमिक उपचारपछि उनीहरूलाई थप उपचारका लागि प्रादेशिक अस्पताल सुर्खेत रेफर गरिएको हो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
