अर्घाखाँचीमा टिपरको ठक्करबाट एक जनाको मृत्यु

अर्घाखाँचअर्घाखाँचीको सन्धिखर्क-९, टारीमा टिपरको ठक्करबाट आज साँझ एक जनाको मृत्यु भएको छ।

जिल्ला प्रहरी कार्यालय अर्घाखाँचीका अनुसार सोही जिल्लाको मालारानी गाउँपालिका–५ का ३२ वर्षीय उमेश खत्रीको टिपरको ठक्करबाट मृत्यु भएको हो।

जिल्ला प्रहरी कार्यालय अर्घाखाँचीका प्रमुख डीएसपी दिवस जिसीका अनुसार सालझण्डी–सन्धिखर्क–ढोरपाटन सडक खण्डको हंसपुरबाट टारीतर्फ आउँदै गर्दा लु १ क ५१३३ नम्बरको टिपरले ठक्कर दिएको थियो।

पैदल यात्रा गरिरहेका खत्रीलाई शुक्रबार साँझ टिपरले ठक्कर दिएको हो। घटनापछि टिपर र त्यसका चालकलाई नियन्त्रणमा लिएर अनुसन्धान अगाडि बढाइएको डीएसपी जिसीले जानकारी दिए।