गुल्मी: गुल्मीको मुसिकोट नगरपालिका वडा नं. ८ वडा कार्यालयले विपन्न, कक्षा १० मा अध्ययनरत विद्यार्थी, अपाङ्गता भएका नागरिक र असहायहरुलाई हाँसका चल्ला वितरण गरेको छ।
आर्थिक रुपमा विपन्न वडावासीहरुको आय आर्जनमा सहयोग गर्ने उद्देश्यले आ.व. २०८१/८२ को स्विकृत कार्यक्रम अन्तर्गत ७० जनालाई जनही ५ ओटाका दरले वितरण गरिएको हो। कार्यक्रममा ३५० चल्ला वितरण गरिएको वडा नं. ८ का वडाध्यक्ष रमेश विकले बताउनुभयो।
उहाँले कम खर्चमा हाँसको अण्डा र मासु बिक्रीबाट आम्दानी लिन सकिने बताउनुभयो। यसले विपन्न वडावासीको आर्थिक अवस्थामा सुधार आउने विश्वास पनि व्यक्त गर्नुभयो।
मानिस लाई सबैभन्दा अनिवार्य आबस्यकता माम र माम का लागि काम अनि काम नै हो, हामी कहाँ देखिने रोजगार त छैन तर गर्यो भने अवसर नै अवसर छ वडा बासीलाई यहाँ को परिबेस हेरी इलमी/ उद्यमी बनाउन सके, गरे हुने त रैछ भन्ने सकारात्मक संदेश समाजमा छोड्न सके युवा विदेश पलायन तथा बसाई सराई मा पनि न्युनी करण गर्न सकिन्छ भन्ने हाम्रो ठम्याई रहेको छ।
कृषि क्रान्ति ले यो नगर लाई विकसित बनाउन सकिन्छ भन्ने कुरा आम नागरिक ले बुझ्न जरुरि छ, आज वडाले गरेको यो कर्म को सराहना गर्दछौँ।
कार्यक्रम मुनपा ८ का वडा सदस्यहरू चन्द्र बहादुर घर्ती, हिराबहादुर नेपाली, सावित्रा विक एवम् शारदा विद्या मन्दिर माबी वामी मैदानका प्रअ ज्ञानहरी सापकोटा, मुक्त बहादुर गौतम लगायतको उपस्थिति मा सम्पन्न भएको थियो।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।
|
