गुल्मी: गुल्मी तम्घासको चिदिचौर खेल मैदानमा संचालन भएको जिल्ला स्तरिय १४ औँ राष्ट्रपति रनिङ्गशिल्ड मुसिकोट नगरपालिकाले कब्जा गरेको छ । मुसिकोट नगरपालिकाले लगातार तीन बर्ष जिल्ला स्तरिय राष्ट्रपति रनिङ्गशिल्ड प्राप्त गरेको छ ।
मुसिकोटले १७ स्वर्ण, २० रजत र २३ कास्य गरेर ६० पदकसहित प्रथम भएको हो । त्यस्तै इस्मा गाउँपालिका नौ स्वर्ण, तीन रजत र पाँच कास्य गरेर १७ पदकसहित इस्मा गाउँपालिका उपबिजेता बनेको छ । गुल्मी दरवार गाउँपालिकाले आठ स्वर्ण, पाँच रजत र सात कास्य गरेर २० पदकसहित तृतिय स्थान प्राप्त गरेको जिल्ला खेलकुद विकास समितिका उपाध्यक्ष नारायण जिसीले जानकारी दिए ।
रेसुंगा नगरपालिकाले सात स्वर्ण, चार रजत र १० कास्य गरेर २१ प्दक प्राप्त गरेको छ । चन्द्रकोट गाउँपालिकाले चार स्वर्ण, सात रजत र आठ कास्य गरेर १९ पदक प्राप्त गरेको छ । मालिका गाउँपालिकाले दुई स्वर्ण, छ रजत र पाँच कास्य गरेर १३ पदक प्राप्त गरेको छ । मदाने गाउँपालिकाले दुई स्वर्ण, एक रजत र तीन कास्य गरेर छ पदक प्राप्त गरेको छ ।
धुर्कोट गाउँपालिकाले दुई स्वर्ण र तीन कास्य गरेर पाँच पदक, छत्रकोट गाउँपालिकाले एक स्वर्ण, चार रजत र एक कास्य गरेर छ पदक, सत्यवति गाउँपालिकाले एक स्वर्ण र एक कास्य गरेर दुई पदक, कालिगण्डकी गाउँपालिकाले एक स्वर्ण पदक मात्रै प्राप्त गरेको छ ।
त्यस्तै रुरु क्षेत्र गाउँपालिकाले चार रजत र पाँच कास्य गरेर नौ पदक प्राप्त गरेको जिल्ला खेलकुद विकास समितिका उपाध्यक्ष नारायण जिसीले जानकारी दिए । गत २४ माघदेखि २६ सम्म संचालित राष्ट्रपति रनिङ्गशिल्ड प्रतियोगीताका जिल्ला समन्वय समिति प्रमुख द्रोर्ण बहादुर खत्रीले उद्घाटन गरेका थिए ।
प्रतियोगीतामा महिला तथा पुरुष भलिवल, दौड, तेक्वान्दो, कपर्दी र हाइजम्प, लङजम्प, कराँते र हुस्सु लगायतका खेलमा आठ सय बढि खेलाडीहरुले प्रतिस्प्रर्धा गरेको जिल्ला खेलकुद विकास समिति अध्यक्ष गिरीप्रसाद महाकिमले जानकारी दिए ।
सवै खेलाडीको दुर्घटना बिमा र तीन जना खेलाडीले सुविधा पाए । गुल्मी जिल्ला अस्पताल तम्घासले प्राथमिक उपचार, एम्बुलेन्स र जनशक्तिको प्रबन्ध खेलअवधीभर गरेको थियो । त्यस्तै स्वयसेवक तथा निर्णायकमा नेपाली सेना र सशस्त्र प्रहरी बल तथा सुरक्षा र ट्राफिक व्यावस्थापनमा नेपाल प्रहरीले सहयोग गरेको जिल्ला खेलकुद विकास समिति अध्यक्ष महाकिमले बताए ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
