१
घाम झुल्कियो
हिमाल पग्लियो
घामको लालिमा
हिमालमा पोतियो
प्रकृति चुम्वनले
हिमाल लजायो ।
२
अन्तिम क्रान्ति
फेरि क्रान्ती
अनि क्रान्ती
मात्र क्रान्ती
क्रान्ति क्रान्ति
कस्तो क्रान्ती ?
३
रोएन शान्ती
हिडेन शान्ती
दौडेन शान्ती
वोलेन शान्ती
नजन्मदै शान्ति
मर्यो शान्ती ।
४
बाटो क्रान्ति
लक्ष्य शान्ति
क्रान्ति शान्ती
शान्ति क्रान्ती
बेचियो क्रान्ती
सपनामा शान्ति।
५
हाँसोहरु वेचेर
आँसु किन्दैछु
रहरहरु मेटेर
प्रेम चिन्दैछु
केहो जिन्दगी
वुझ्न खोज्दैछु ।
६
वर्षियो पानी
कुनाकाप्चा छानी
लाजै नमानी ।
गर्मिलो मौसम
शितल चुम्बन
उर्लियो जवानी ।
– ध्रुवकुमार श्रेष्ठ
खोटाङ वजार
हाल: कामनपा-३२, नरेफाँट
कविता लेखनको नयाँ शैलीको रूपमा शाब्दिक कविता आएको छ। विभिन्न संरचनामा शाब्दिक कविता लेखिन्छन्। प्रस्तुत शाब्दिक कविता २×६ सूत्रमा लेखिएका छन्। शाब्दिक कविता छोटो प्रकृति र गहन भावका हुन्छन्। हालसम्म ४० जना स्रष्टाले शाब्दिक कविता लेखिरहनु भएको छ। ध्रुव श्रेष्ठ शाब्दिक कविताका एक अभियन्ता हुनुहुन्छ। वहाँको शाब्दिक कवितामा छुट्टै पहिचान बनिसकेको छ। – सं
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
