बुटवलबाट छुटेको जिप पाल्पामा दुर्घटना हुँदा ५ जना घाइते

बुटवल: पाल्पाको रैनादेवी छहरा-४ मा गएराति जिप दुर्घटनामा परी ५ जना घाइते भएका छन्।

बुटवलबाट यात्रु लिएर जुठापौवा जादै गरेको लु १ ज १४३१ नम्बरको जिप भैरव मावि छहराको निर्माणाधिन भवनमाथि दुर्घटना भएको जिल्ला प्रहरी कार्यालय पाल्पाका प्रवक्ता डिएसपी विरेन्द्र थापाले जानकारी दिए‌। जिपमा १० जना यात्रु रहेको र घाइते मध्ये २ जनाको अवस्था गम्भिर रहेको बताइएको छ।

राति १२ बजे बुटवलबाट जुठापौवाको लागि हिडेको जिप के कारणले दुर्घटना भयो भन्ने बारे खुलेको छैन। घाइतेलाई पाल्पाकै मिसन अस्पताल तानसेनमा उपचारका लागि पठाइएको छ। -ग्लोबल आवाज