गुल्मीको मुसिकोट नगरपालिकाका प्रमुख प्रशासकीय अधिकृतको २६ दिनमै सरुवा

गुल्मी: गुल्मीको मुसिकोट नगरपालिकामा प्रमुख प्रशासकिय अधिकृत उपसचिव राकेश पाण्डेको २६ दिनमै सरुवा भएको हो।

यसअगाडी रहनुभएका प्रमुख प्रशाशकीय अधिकृत खिमानन्द भुषालको सरुवा भएपछि श्रावण २४ गते उहाँ मुसिकोट नगरपालिका आउनुभएको थियो।

नगरपालिका आएको केही समयमै कर्मचारी व्यवस्थापन तथा जनप्रतिनिधिले अवैधानिक रुपमा खाईरहेको सेवा सुविधा समेत कटौती गर्न सफल पाण्डेको एक महिना नहुँदै सरुवा भएको हो। उहाँले छोटो समयमै उत्कृष्ट छवि बनाउनुभएको थियो।

१ महिना नबित्दै सरुवा भएको विषयमा आफुलाइ जानकारी नभएको उपसचिव पाण्डेको भनाई छ। “के कति कारणले सरुवा भयो भन्ने बिषयमा म अहिलेसम्म अनविज्ञ नै छु पाण्डेले भने – औपचारिक रुपमा पत्र आएपछि थाहा होला।”

सोमबार सघिंय मामिला तथा सामान्य प्रशासन मन्त्रालयले ५८ उपसचिवको सरुवा गरेको छ। उक्त सरुवामा पाण्डे पनि पर्नुभएको हो । उनको शिवराज नगरपालिका कपिलवस्तु सरुवा भएका छ।