नसा सम्बन्धी रोगले पीडित गुल्मीको मुसिकोटकी शोभाको उपचारार्थ समाजसेवी थापाको सहयोग

गुल्मी: गुल्मीको मुसिकोट नगरपालिका वडा नं ३ की शोभा सुनारको उपचारका लागि समाजसेवी लिलबहादुर थापाले नगद रु २५ हजार रुपैयाँ आर्थिक सहयोग गर्नुभएको छ।

१४ वर्षको उमेरबाटै नसा सम्बन्धी रोगका कारण बिस्तारामा थलिएकी शोभाको यसअगाडी पनि समाजसेवी लिल बहादुर थापाकै सहयोगमा उपचार गरिएको थियो।

उपचारपछि स्वास्थ्य सुधार हुँदै गएपछि पुनः अर्को पटक चेकजाँच गर्न सहयोगी थापाले पठाउनुभएको रकम जिटिभि नेपालका सञ्चालक दिपक नेपालीले हस्तान्तरण गर्नुभएको हो। समाजसेवी थापाले थुप्रै दीनदुखिहरुलाई सहयोग गर्दै आउनुभएको छ। थापाको यस किसिमको सेवाभावको सबैले प्रशंसा गरेका छन्। ओझेलका खबर डटकम परिवार उहाँ प्रति उच्च सम्मान सहित हार्दिक आभार व्यक्त गर्दछौँ।