मुसिकोटमा विद्यालयका पुर्व प्राचार्यले छोराछोरीको जन्मदिनको अवसरमा बाँडे शैक्षिक सामग्री

गुल्मी: गुल्मीको मुसिकोट नगरपालिका, वामीटक्सार स्थित श्री महेन्द्र आदर्श नमुना माध्यमिक विद्यालयका पुर्व प्रधानाध्यापक भिमलाल सापकोटाले आफ्ना जुम्ल्याहा छोराछोरीको जन्मदिनको अवसरमा शैक्षिक सामग्री प्रदान गरेका छन्।

सापकोटाले आफ्ना जुम्ल्याहा छोराछोरी यसै विद्यालयका पुर्व विद्यार्थीहरु रामहरि सापकोटा र सविता सापकोटाको जन्मदिनको अवसरमा १४ हजार रुपैयाँ बराबरको शैक्षिक सामग्री २५ जना विपन्न परिवारका विद्यार्थीलाई प्रदान गर्नुभएको हो।

पछिल्लो समय जन्मदिनको अवसरमा अनावश्यक खर्च गर्ने प्रवृत्ति हाबी हुँदै गएको परिप्रेक्ष्यमा सापकोटाको यस उदाहरणिय कार्यको सबैले प्रशंसा गरेका छन्।