Place for ads

Awareness

शिक्षकको कुटाईबाट एक विद्यार्थीको फुट्यो कानको जाली



ओझेलका खबर संवाददाता
२ वर्ष अगाडि


Place for ads

जगत ठाडा मगर, परासी: पश्चिम नवलपरासीको सदरमुकाम परासी रामग्राम-४, बैरिहवा पालिका नजिकै रहेको हिलेरियस चिल्ड्रेन एकेडेमी बोर्डिङ स्कुलमा पढाउने एक शिक्षकले विद्यार्थीलाई पिट्दा कानको जाली फुटेको छ। उक्त स्कुलमा अध्यनरत १२ बर्षिय छात्र निखिल कोहार कक्षा ५ मा पढ्ने विद्यार्थी हुन।

घट्ना गत साउन १९ गतेका दिनको हो। विद्यार्थीले होमवर्क नगरेको निहुँमा शिक्षकले निखिललाई कुटेको हो। शिक्षक अस्लम सिद्धिकीले विद्यार्थी कोहारलाई कक्षामा होहल्ला गरेको होमवोर्क नगरेको आरोपमा बालकको कानमा जोड्ले चार झापत हानेको पीडित बालक संग पढ्ने बिद्यार्थीहरुले बताए। घट्ना घटेको महिनौ दिन पुग्न लाग्दासम्म पनि बिद्यालयका प्रशासनले पीडित विद्यार्थीको उपचारमा चासो नदेखाएपछि घट्ना बाहिरिएको हो।

Get Vaccinated

घट्ना घटेको दिनमा बच्चा स्कुलबाट घर अबेरसम्म नआएपछि पीडित विद्यार्थीका बुवा आफै स्कुल जादा बालकको कानबाट रगत बगिरहेको र ज्वरोले कामिरहेको अवस्था देखेपछि, सोधपुछ गर्दा शिक्षकले कुटेको खुलेको हो । त्यस पस्चात बालकलाई स्थानिय एसके मेडिकलमा गएर सामान्य उपचार गराएर घरमा ल्याएका थिए । तर, पीडित बालकले दुखाई सहन नसक्ने भएपछि पुनः परासीस्थित शिवम मेडिकल हलमा लगेर चेकजाँच गर्दा कानको जाली फुटेको डाक्टरले पुष्टि गरेका थिए । सो पश्चात् विद्यालयले उपचार गर्ने आश्वसन दिएका थिए।

पिडित विद्यार्थी

बिद्यालयको आश्वसनमा रहदा पीडित बालकको स्वास्थमा दैनिक समस्या बढेपछि बालकको अबिभावकले अप्रेसनको लागि बुटवलस्थित तिनाउ इन्टरनेशन अस्पतालमा पुन: भदौ ७ गते बिहान भर्ना गरि अप्रेसन गरेको थियो । सो अवधीसम्म बिद्यालयका प्रधानाध्यापक जनार्दन ठाकुरले केही वास्त नगरेपछि पीडित बालका अबिभावकहरुले अस्पतालमा रहेका बिरामीका कुरुवाहरुसंग पीडितको बारेमा कुरा गर्दा सो कुरुवाहरुले मिडियालाई कल गरि जानकारी गराएका थिए।

मिडियाकर्मीहरुले बिद्यालयका प्रधानाध्यापक ठाकुरलाई कल गरि घट्नाको बास्ताबिक्ता बुझ्दा गल्तीको महसुस नगरी कानुनको बारेमा उल्टो पत्रकार र पीडित बालकका अबिभावकलाई सिकाउन प्रयास गरे । अभिभावकले बालकको अप्रेसनको दिन पटकपटक बिद्यालयको प्रधानाध्यापकलाई सम्पर्क गर्दा सम्पर्कमा नआउने भएपछि पीडित बालकलाई भदौं ८ गते अस्पतालबाट डिस्चार्ज गरि घरमा ल्याईएको थियो ।

पीडितका अबिभावक घरमा बालकलाई लिएर आईसके पछि प्रधानाध्यापक साझ घरमा भेट्न आएका थिए । सो समयमा पनि ठाकुरलाई आफ्नो बिद्यालयको गल्तिको महसुस भएको थिएन । तर, ठाकुरले अप्रेसनको खर्च मात्र ब्यहोर्ने भन्दै ४२ हजार रुपियाँ पीडित बालकको बुवाको खातामा पठाई घटना बाहिर नल्याउन चेतावनी दिएका छन।

Awareness by SKF

पिडित विद्यार्थी अस्पताल भर्ना

बिद्यालयका प्रधानध्यापक ठाकुरले ती बालकलाई मात्र नभई सयौं जना विद्यार्थीलाई कुटेको छ र अझै पनि कुट्छु भनेर स्थानिय अभिभावक, गाउँका समाजसेवी र पत्रकारको अगाडि छाती खुलाएर भनेका थिए । ठाकुरले स्कुलमा बच्चालाई पिटने, गाली गर्ने, तर्साउने र परीक्षा भन्दा अगाडि अबिभावकले शुल्क नतिर्दा बिद्यार्थीहरु माथि ढुङ्गा राखेर शारीरिक यातना दिइएको बिद्यार्थीहरुले बताएका छन । केही महिना अगाडि सो बिद्यालयका शिक्षकले जितपुर, केरवानीका एकबच्चालाई पिटेर शरीर भरि निलडाम हुने गरि पिटेको पनि बाहिर आएको थियो।

घटना बाहिरिएपछि विद्यालयका प्रधानाध्यापक ठाकुरले पीडित बालक र आफन्तका बच्चाहरुलाई विद्यालयमा पढ्न नपठाउन अबिभावकलाई जानकारी दिएको छ। पीडित बालकको अबिभावक बच्चाको पढाइ र भबिश्य माथि चिन्तित छन । यो समयमा अब कुन स्कुलमा लगेर पढाउने ? शैक्षिक शत्रको छ महिना बितिसकेको अबस्थामा अन्य बिद्यालयले बच्चाहरुको भर्ना लिन्छ कि लिदैन भनेर बच्चाहरुको पढाईको बारेमा चिन्तित भएका छन ।

उक्त विद्यालयमा बच्चा पढाउने अबिभावकहरुले आफ्नो बाबुनानीहरुमाथि पनि यस्तो किसिमको यातना भएको छकि छैन, बुझ्नसमेत अविभावकहरुलाई अपिल गरेका छन । उक्त बिद्यालयमाथि कार्बाहीको लागि सम्बन्धित निकायको ध्यानाकर्षणसमेत गरेका छन। – नवलपुर टुडे डटकमबाट साभार गरिएको

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया