बुटवल: रुपन्देहीको तिलोत्तमामा करेन्ट लागेर गुल्मीका एक युवाको मृत्यु भएको छ। मृत्यु हुनेमा गुल्मीको धुर्कोट गाँउपालिका-५ घर भई पश्चिमाञ्चल सोलुशन ईन्टरनेट प्रालि कम्पनीमा काम गर्ने २२ वर्षीय प्रदिप भण्डारी रहेको प्रहरीले जनाएको छ।
उनलाई शनिबार दिउँसो तिलोत्तमा नगरपालिका-६, मणिग्राम स्थित एक घरमा ईन्टरनेट जडान गर्ने क्रममा करेन्ट लागेर घाइते भएका थिए। भण्डारीको उपचारको क्रममा शनिवार राति मृत्यु भएको प्रहरीले जनाएको छ। ग्लोबल आवाज डटकमले यो खबर प्रकाशित गरेको छ।
