Awareness

गुल्मीमा गत वर्ष सवारी दुर्घटनामा १७ जनाको मृत्यु



ओझेलका खबर संवाददाता
२ वर्ष अगाडि


Place for ads

गीता पाण्डे, गुल्मीः आर्थिक बर्ष २०७८/०७९ मा गुल्मीमा सवारी दुर्घटनामा परी मृत्यु हनेको संख्या १७ जना रहेको जिल्ला ट्राफिक प्रहरी कार्यालय गुल्मीले जनाएको छ।

कार्यालयका अनुसार २०७८ साल साउनमा ट्रयाक्टर दुर्घटनामा दुई जना, जीपमा एक र मोटरसाइकलमा एक जना गरी कुल ४ जनाको मृत्यु भयो। जसमा तीन जना पुरुष र एक जना महिला रहेको कार्यालयले जनाएको छ।

यस्तै भदौमा जीप दुर्घटनामा एक जना पुरुषको मृत्यु भएको छ । असोजमा सवारी दुर्घटना परी चार जनाको मृत्यु भएको छ । जसमा एक जीप र दुई वटा मोटरसाइकल दुर्घटनामा दुई जना महिला र दुई जना पुरुष गरी चार जनाको मृत्यु भएको जिल्ला ट्राफिक प्रहरी कार्यालय गुल्मीका प्रमुख कृष्ण आचार्यले जानकारी दिए ।

कार्तिकमा एक ट्याक्टर, एक जीप र दुईवटा मोटरसाइकल गरी पाँच वटा सवारीहरु दुर्घटनामा परे जसमा दुई जना महिलाको मृत्यु भयो।

यस्तै मङसिरमा भने तीन वटा मोटरसाइकल दुर्घटना भए पनि मानवीय क्षती भने नभएको कार्यालयले जनाएको छ । पुसमा एक मोटरसाइकल दुर्घटना हुँदा एक जना पुरुषको मृत्यु भएको कार्यालयले जनाएको छ । माघमा चार वटा सवारी दुर्घटना भए जसमा एक जना पुरुषको मृत्यु भएको कार्यालयको तथ्याकंमा रहेको छ ।

फागुन महिनामा कुनै सवारी दुर्घटनामा नपरेको कार्यालयले जनाएको छ ।

यस्तै चैत महिनामा दुई वटा मोटरसाइकल र दुई ट्याक्टर गरी चार सवारी दुर्घटनामा परि तीन जना पुरुषको मृत्यु भएको जिल्ला ट्राफिक प्रहरी कार्यालय गुल्मीका प्रहरी सहायक निरीक्षक देबीप्रसाद पौडेलले जानकारी दिए ।

Awareness by SKF

बैशाख महिनामा कुनै सवारी साधन जिल्लामा दुर्घटनामा नपरेको कार्यालयले जनाएको छ ।

जेठ महिनामा मोटरसाइकल दुर्घटनामा एक जना पुरुषको मृत्यु भएको छ । यस्तै असारमा भने जिल्लामा कुनै सवारी साधन दुर्घटनामा नपरेको जिल्ला ट्राफिक प्रहरी कार्यालय गुल्मीले जनाएको छ ।

यसरी १७ जनाको मृत्यु हुने गरी सवारी दुर्घटनाको कारण भने चालकको लापरवाहीका कारण भएको जिल्ला ट्राफिक प्रहरी कार्यालय गुल्मीका प्रहरी सहायक निरीक्षक देबीप्रसाद पौडेलले जानकारी दिए ।

आर्थिक वर्ष २०७७/०७८ मा कुल ३७ वटा सवारी दुर्घटनामा २२ जनाको मृत्यु भएको कार्यालयले जनाएको छ। जसमा १६ जना पुरुष ,पाँच जना महिला र एक जना बालक रहेका छन्।

आर्थिक वर्ष २०७६/०७७ मा २८ वटा सवारी दुर्घटनामा परी १५ जनाको मृत्यु भएको छ। जसमा पुरुष १० जना,महिला तीन जना र दूई जना बालबालिका रहेको कार्यालयले जनाएको छ।

विशेष गरी सवारी दुर्घटना चालकको लापरवाहीका कारण हुने गरेको कार्यालयले जनाएको छ ।

सवारी दुर्घटना कम गर्न जनचेतनामुलक कार्यक्रम

जिल्ला ट्राफिक प्रहरी कार्यलय गुल्मीले सवारी दुर्घटना कम गर्नका लागि जनचेतना मुलक कार्यक्रमहरु गरेको जनाएको छ । विद्यार्थीहरुलाई कक्षा संचालन गर्नुका साथै सुरक्षित चालक बनाउनका लागि कक्षा संचालन , यातायात ब्यबसायीहरु , चालक तथा सह चालकहरुलाई जनचेतना मूलक कार्यक्रम गरेको कार्यलयले दाबी गरेको छ ।

यस समय अवधिमा जिल्लामा सात हजार ४८२ जनालाई जनचेतना मुलक कार्यक्रमहरु प्रदान गरिएको जिल्ला ट्राफिक प्रहरी कार्यालय गुल्मीले जनाएको छ।

यस्तै विभिन्न अन्तरक्रिया , पर्चा पम्प्लेट वितरण र स्थानीय संचार माध्यममबाट ट्राफिक ज्ञान सम्बन्धी गतिविधिहरु प्रशारण गरेको कार्यलयले जनाएको छ। फोटो: तिलाचन पाण्डे

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया