ढोरपाटनमा पिकअप जिप दुर्घटना,एकजना घाइते

ओझेलका खबर,बागलुङ:-बागलुङ जिल्लाको ढोरपाटन नगरपालिका ९ मा पिकअप जिप दुर्घटना भएको छ।ढोरपाटनबाट बुर्तिबाङ आउदै गरेको लु १ ज ४३४८ नम्बरको पिकअप जिप वडा नम्बर ९ सुकुरदुङमा दुर्घटना हुदा ढोरपाटन नगरपालिका ७ कि ६० वर्षीया मनसरा थापा घाइते हुनुभएको छ।

घाइते थापाको टाउकोमा सामान्य चोट लागेको इलाका प्रहरी कार्यालय बुर्तिबाङ का प्रमुख प्रहरी निरीक्षक जयराम वन्तले जानकारी दिनुभएको छ।प्रहरीको अनुसार गाडीको ब्रेक फेल भएर भित्तामा ठोकिँदा दुर्घटना भएको हो।

पिकअप चालक ढोरपाटन नगरपालिका ६ का ३८ वर्षीया कुल बहादुर अदैलाई प्रहरीले नियन्त्रणमा लिएको छ।