बागलुङको निसीखोलामा पिकअप दुर्घटना,एक जनाको मृत्यु

निसीखोला:-बागलुङ जिल्लाको निसीखोला गाउँपालिका २ मा पिकअप जिप दुर्घटना भएको छ।दुर्घटनामा परि एक जनाको मृत्युु भएको छ भने एक जना घाइते भएका छन्।दुर्घटनामा परि मृत्यु हुनेमा ढोरपाटन नगरपालिका १ का ४७ वर्षीया ऋतुवर्ण पौडेल रहेको इलाका प्रहरी कार्यालय बुर्तिबाङ का प्रहरी निरीक्षक जयराम वन्तले जानकारी दिनुभएको छ।

दुर्घटना मा परि घाइते हुनेमा ३८ वर्षीय सुरेश थापा रहेको प्रहरी ले जनाएको छ।

मंगलबार साझ ६:४५ बजे निसीखोला को निसि बाट बुर्तिबाङ आउदै गरेको लु १ त ९४८० नम्बरको पिकअप दुर्घटना मा परेको इलाका प्रहरी कार्यालय बुर्तिबाङ का प्रहरी निरीक्षक जयराम वन्तको भनाई छ।पिकअप सडक देखी करिब १०० मिटर तल खसेको थियो।