Place for ads

Awareness

गुल्मीका महिलाहरुले लघुवित्त विरुद्ध गरे आन्दोलनको उद्घोष



ओझेलका खबर संवाददाता
२ वर्ष अगाडि


Place for ads

गुल्मी: मंगलबार दिउँसो गुल्मीको गुल्मीदरबार गाउँपालिकाका ५० औं महिलाहरु आफू लघुवित्त संस्थाबाट पीडित मात्र नभई असुरक्षित समेत भएको भन्दै नेपाल पत्रकार महासंघ गुल्मी शाखाको कार्यालयमा आई लघुवित्त संस्थाहरु विरुद्ध आन्दोलनको उद्घोष गरेका छन्।

लघुवित्तका कर्मचारीहरुले रातको समयमा आएर धम्की दिँदा आफूहरु असुरक्षित भएको गुनासो राखे। उनीहरु लघुवित्तीय संस्था विरुद्धको संघर्ष समिति, नेपाल गठन गरी आन्दोलनको उद्घोष गर्न पत्रकार सम्मेलन गर्न पत्रकार महासंघको सहारा लिन आएको पीडित महिलाहरुले बताए।

Get Vaccinated

गुल्मीदरबार गाउँपालिका-१, बलिथुमकी शान्ति सर्तुङ्गेले लघुवित्तका कर्मचारीहरु आएर १५ हजार जबरजस्ती लगेको, सोही गाउँकी मीना रानाले पनि श्रीमान् जण्डिसको बिरामी परेपछि थोरै ऋण लिएकोमा लघुवित्तका कर्मचारीहरुले ५ वटा बाख्रा फुकाएर लगेको पीडा सुनाईन्। उनको घर जग्गाको लालपूर्जासमेत जवरजस्ती लगिएको छ।

संघर्ष समितिका संयोजक मनिराम ज्ञवालीले गैंडाकोटको ग्लोवल आईएमई लघुवित्त वित्तिय संस्थाबाट पीडित भएर ६५ जना महिलाहरु गाउँ छाड्न बाध्य हुनु परेको जनाए। उनले भने, ‘फागुन ५ गतेदेखि लघुवित्त संस्थाद्वारा सञ्चालित सम्पूर्ण समूहका बैठक बहिस्कार गर्ने संघर्ष समितिले घोषणा गरेको छ। यो खबर रातोपाटी डटकममा प्रकाशित छ।

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया