Place for ads

Awareness

कर्मचारीमा संक्रमण देखिएपछि जिल्ला प्रशासन गुल्मीको सेवा बन्द



ओझेलका खबर संवाददाता
२ वर्ष अगाडि


Place for ads

तिलाचन पाण्डे, गुल्मी: जिल्ला प्रशासन कार्यालय गुल्मीमा कार्यरत कर्मचारीहरुलाई सङ्क्रमण पुष्टि भएपछि अत्यावश्यक सेवा बाहेक अन्य सेवा बन्द गरिएको छ।

कार्यालयमा कार्यरत तीन जना कर्मचारीहरुलाई सङ्क्रमण पुष्टि भएको र अन्यलाई समेत केही लक्षणहरु देखा परेपछि परेकाले माघ ११ गतेदेखि अर्को सूचना जारी नभएसम्मका लागि अत्यावश्यक सेवाबाहेक अन्य सेवाहरु बन्द गर्ने निर्णय गरिएको प्रमुख जिल्ला अधिकारी पुन्यविक्रम पौडेलले जानकारी दिनुभयो।

Get Vaccinated

पछिल्लो समयमा कार्यालयमा सेवा ग्राहीहरुको भीडभाड पनि बढी भएकाले भीडभाडमा सेवा प्रवाह गर्दा थप जोखिम हुने भएकाले यस्तो निर्णय गरिएको पौडेलले बताउनुभयो। अत्यावश्यक सेवा लिन आउँदा समेत खोप लगाएको कार्ड अनिवार्य रुपमा ल्याउनुपर्ने छ। बढी भीडभाड नगर्न र स्वास्थ्य सुरक्षाका मापदण्डहरु पालना गर्न जिल्ला प्रशासन कार्यालय गुल्मीले आग्रह समेत गरेको छ।

सोमबार मात्रै जिल्लामा ६६ जनामा सङ्क्रमण पुष्टि भएको र जिल्लामा कुल सक्रिय सङ्क्रमितको सङ्ख्या २८८ जना रहेको स्वास्थ्य कार्यालय गुल्मीले जनाएको छ। सङ्क्रमण कारण जिल्लामा ९७ जनाको ज्यान गइसकेको छ।

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया