Place for ads

Awareness

विवाद पछि रोकिएको गुल्मी कांग्रेस सभापतिको मतदान आज हुने



ओझेलका खबर संवाददाता
३ वर्ष अगाडि


Place for ads

गुल्मी: नेपाली कांग्रेसको गुल्मी जिल्ला सभापतिका लागि रोकिएको मतदान  आज हुने भएको छ। शुक्रबार चिदिचौर मतदान स्थलमा मतपत्रमा संकेत देखिएको भन्दै मुसिकोट नगरपालिकाका मतदातालाई मतदान गर्न रोक लगाईएपछि मतदान रोकिएको थियो।

रोकिएको मतदान सुरु गर्ने विषयमा छलफल गर्न उम्मेदवार सहितको बैठक पछि आज बिहान ९ बजे देखि १ बजेसम्म मुसिकोटका सम्पूर्ण (मतदान गरेका र गर्न बाँकी) मतदाताले चिदिचौरको सोही स्थानमा मतदान गर्ने निर्वाचन अधिकृत सतिस झाले जानकारी दिनुभयो। सभापति चयनका लागि शनिबार बिहान मतदान सुरु भएको थियो।

Get Vaccinated

अन्य ११ स्थानीय तहको मतदान भने सकिएको छ। सभापतिका लागि खिलध्वज पन्थी र वेदबहादुर थापा मगर उम्मेदवार छन्। जिल्ला सभापतिको उम्मेदवारमा आकांक्षीको रुपमा उभिएका पन्थी पौडेल पक्ष र थापा देउवा पक्षधर नेता हुन्।

दुई जना जिल्ला उपसभापतिका लागि ५ जनाबीच प्रतिस्पर्धा भएको छ। जसमा अनन्तराम पौडेल, शिवबहादुर खत्री, झविन्द्र विश्वकर्मा, सुर्दशन खनाल र विष्णुकुमारी सापकोटाबीच प्रतिस्पर्धा भएको छ।

दुई जना जिल्ला सचिव पदका लागि ५ जनाबीच प्रतिस्पर्धा भएको छ। सचिवमा पृथ्वीबहादुर फौजदार, जगदिस भट्टराई, भगतसिंह खड्का, थम्मनबहादुर केसी र पूर्ण केसीले उम्मेदवारी दिएका छन्। दुईजना सहसचिव पदका लागि ४ जनाबीच प्रतिस्पर्धा भएको छ। धर्मराज पाण्डे, रेशम कुँवर, छविलाल पाण्डे र निरज मरासिनीले सहसचिवमा उम्मेदवारी दिएका छन्।

जिल्ला सदस्य पदमा ५० जना भन्दा बढीले उम्मेदवारी दिएका छन्। जिल्ला कार्यसमितिमा ७ पदाधिकारीसहित ४५ सदस्यीय हुनेछ।

Awareness by SKF

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया