Place for ads

Awareness

गुल्मीमा पन्थी र थापा कांग्रेस सभापतिमा भिड्दै, कसले जित्ला?



ओझेलका खबर संवाददाता
३ वर्ष अगाडि


Place for ads

गुल्मी: नेपाली कांग्रेस गुल्मीको आठौँ जिल्ला अधिवेशनमा सभापति शेरबहादुर देउवा र नेता रामचन्द्र पौडेल पक्षबीच कडा प्रतिस्पर्धा हुने देखिएको छ। देउवा पक्षबाट वेदबहादुर थापा मगर र पौडेल पक्षबाट खिलध्वज पन्थी जिल्ला सभापतिमा उम्मेदवारी घोषणा गरेका छन्।

कांग्रेस गुल्मीको जिल्ला अधिवेशन १० र ११ मंसिरमा हुँदैछ। पन्थी र थापा मगर दुवै कांग्रेसमा लोकप्रिय छन्। युवाहरूको ऊर्जा र ग्रामीण भेगमा पुग्दा कार्यकर्ताबाट पाएको आशीर्वादलाई सम्मान गर्न आफूले सभापतिमा उम्मेदवारी दिएको पन्थीले बताए। क्षेत्र नम्बर २ मा पन्थीलाई युवाहरूको राम्रो साथ छ। क्षेत्र २ मा पौडेल पक्षका प्रतिनिधि धेरै छन्।

Get Vaccinated

क्षेत्र नम्बर १ मा थापा मगर लोकप्रिय छन्। उनी सातौँ जिल्ला अधिवेशनमा सभापतिमा पराजित भएका थिए। देउवा पक्षका थापा क्षेत्र नम्बर १ मा पाँच सय ८७ मत प्राप्त गरेर महाधिवेशन प्रतिनिधि भए।

पार्टीको संस्थागत हित, गुटबन्दीको अन्त्य र पार्टीको विभिन्न तहमा पछाडि परेका अग्रज नेता र कार्यकर्तालाई समेटेर एकताबद्ध पार्टी निर्माणसँगै विकास र समृद्धिको पक्षमा काम गर्न आफूले सभापतिमा उमेद्वारी घोषणा गरेको उनले बताए। उनले सर्वसम्मत र निर्वाचन दुवै विकल्पका लागि आफू तयार रहेको बताए। ज्योतिन्यूज डटकममा यो खबर छ।

कमेन्ट गर्नुहोस्

ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबरओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्।

तपाईलाई यो खबर कस्तो लाग्यो

तपाईंको प्रतिक्रिया