गुल्मीको वामीटक्सारमा खुल्ला भलिबल तथा रेकर्ड डान्स प्रतियोगिता आयोजना हुँदै

गोविन्द कंडेल, गुल्मी: जिल्लाको ऐतिहासिक वामीटक्सार बजारमा मंसिर १५ गते देखि १७ गते सम्म खुल्ला भलिबल तथा रेकर्ड डान्स प्रतियोगिता सम्पन्न हुने भएको छ।

वामीटक्सार युवा क्लब मुसिकोट नगरपालिका वडा नं. ७ को आयोजनामा कार्यक्रम सम्पन्न हुन लागेको हो। ‘स्वास्थ्यका लागि खेलकुद राष्ट्रका लागि खेलकुद’ भन्ने मुलनाराका साथ कार्यक्रम आयोजना हुन लागेको वामीटक्सार युवा क्लवले जनाएको छ‌।

भलिबल खेलमा सहभागी हुन चाहने टिमले मंसिर १४ गते साँझ सम्ममा टिम दर्ता गरी सक्नु पर्नेछ। टिमदर्ताका लागि भलिबल तर्फ रू २,००० र रेकर्ड डान्स तर्फ रू ५०० लाग्ने छ। भलिबल तर्फ प्रथम हुने टिमले नगद रु ३३,३३३/- कप, मेडल र प्रमाणपत्र, द्वितिय हुनेले नगद रू २२,२२२/- कप, मेडल र प्रमाणपत्र, तृतिय हुनेले नगद रू ११,१११/- कप, मेडल र प्रमाण प्राप्त गर्नेछ।

त्यस्तै खुला रेकर्ड डान्स तर्फ प्रथम पुरस्कार ६,०००/- मेडल र प्रमाणपत्र, द्वितिय पुरस्कार रू ४,०००/- मेडल र प्रमाणपत्र,तृतिय पुरस्कार रू २,०००/- मेडल र प्रमाणपत्र रहेको छ।