एमाले वडा अधिवेशन: गुल्मीको मुसिकोटका ९ वटै वडामा सर्वसम्मत नेतृत्व चयन

सागर भण्डारी, गुल्मी: नेकपा एमाले गुल्मीले आज जिल्लाका सबै वडामा वडा अधिवशन सम्पन्न गरेको छ। जिल्लामा रहेका ९३ वटा वडामा एकैपटक वडाअधिबेशन सम्पन्न भएको बताईएको छ। यसै बिच मुसिकोट नगरपालिकाका ९ वटै वडामा सम्पन्न अधिवेशनले सर्वसम्मत नयाँ नेतृत्व चयन गरेको छ।

वडा नंबर १ मा सम्पन्न अधिवेशनबाट अध्यक्षमा नारायण बहादुर थापा र सचिवमा भुपेन्द्र रायमाझी सर्वसम्मत चयन हुनुभएको छ। त्यस्तै वडा नं. २ मा हरि बहादुर कुँवर अध्यक्ष टिका थापा सचिव, वडा नं. ३ मा मधु मल्ल अध्यक्ष र सचिवमा अशोक सोमै सर्वसम्मत चयन हुनुभएको छ। वडा नं ४ मा जुक्त बहादुर छन्तेल अध्यक्ष, उपाध्यक्षमा ओम बहादुर केसी र राजेश अधिकारी सचिव चयन हुनुभएको छ।

वडा नं. ५ मा चन्द्र खरेल अध्यक्ष र राजेश गुरुङ सचिव, वडा नं ६ मा हेमराज शर्मा अध्यक्ष, वडा नं ७ मा टोपनारायण शाक्य अध्यक्ष र लक्ष्मण खरेल सचिव, वडा नं ८ मा चुरा बहादुर खत्री अध्यक्ष र चन्द्र बहादुर घर्ती सचिवमा सर्वसम्मत चयन हुनुभएको छ। भने वडा नं ९ मा उमाकान्त खरेल अध्यक्ष र सचिवमा कर्ण बहादुर विक चयन हुनुभएको छ।

वडा अधिवेशनबाट आगामी २ वर्षका लागि ३१ जनाको कमिटी निर्वाचत भएको छ। कार्यसमितिमा अध्यक्ष, उपाध्यक्ष, सचिव र २ जना उपसचिव गरि ५ जनाको पदाधिकारी निर्वाचित भएका छन्।

वडा अधिवेशनमा ५ जना संगठित सदस्य बराबर १ जना गाउँ/नगर प्रतिनिधी बन्न पाइने व्यवस्था रहेको छ। त्यस्तै दलित/महिला/जनजातीको हकमा ३ जना संगठित सदस्य बराबर १ जना प्रतिनिधी बन्न पाइने व्यवस्था रहेको छ।

निर्वाचनको केन्द्रिय तालिका अनुसार कात्तिक ९ गते गाउँ, नगरपालिका अधिवेशन सम्पन्न हुँदैछ।