-
गुल्मी — दसैँको दस दिनको अवधिमा गुल्मी जिल्लामा ६३ हजारभन्दा बढी नागरिकहरू भित्रिएका छन्।
जिल्ला प्रहरी कार्यालय गुल्मीका सूचना अधिकारी तथा निमित्त कार्यालय प्रमुख डिएसपी बिरेन्द्र बिश्वकर्माले उपलब्ध गराएको विवरण अनुसार २०८३/०७/०१ गते देखि १० गते सम्म गृहजिल्ला फर्कनेहरूको आगमन उच्च रहेको छ।
यस अवधिमा जिल्लाका विभिन्न प्रमुख नाकाहरू (इ.प्र.का. पुर्कोट दह, इ.प्र.का. रिडी र प्रहरी पोष्ट देउराली) भएर गुल्मी भित्रिने र बाहिरिने यात्रु तथा सवारी साधनहरूको तथ्याङ्क यसप्रकार रहेको छ:
१. भित्रिने (इन) यात्रु तथा सवारी साधनहरूको विवरण
दसैँ मनाउनका लागि जिल्ला बाहिरबाट गुल्मी भित्रिनेहरूको सङ्ख्या उल्लेख्य देखिएको छ:
कुल भित्रिएका मानिसहरू: जम्मा ६३,०८० जना नागरिकहरू जिल्लामा भित्रिएका छन्।यसरी भित्रिनेहरूमा २७,०७७ जना पुरुष, २६,०४७ जना महिला र ९,९५६ जना बालबालिका रहेका छन्।
यस अवधिमा विभिन्न नाका भएर कुल ७,४८४ वटा सवारी साधन गुल्मी भित्रिएका छन्।
२. बाहिरिने (आउट) यात्रु तथा सवारी साधनहरूको विवरण
यसैगरी, सोही १० दिनको अवधिमा जिल्लाबाट बाहिरिनेहरूको तथ्याङ्क भने तुलनात्मक रूपमा कम रहेको छ:
कुल बाहिरिएका मानिसहरू: जम्मा २३,९५१ जना (करिब २४ हजार) मानिसहरू गुल्मीबाट बाहिरिएका छन्।बाहिरिनेहरूमा १,७०३ जना पुरुष, १९,०७२ जना महिला र ३,१७६ जना बालबालिका रहेका छन्।
यस अवधिमा जिल्लाबाट बाहिरिने सवारी साधनहरूको सङ्ख्या ५,३९२ वटा रहेको छ।
चाडपर्वका बेला बाहिरिनेभन्दा भित्रिने यात्रुहरूको चाप अत्यधिक हुने भएकाले मुख्य नाकाहरूमा आवतजावतको चहलपहल बढेको छ भने सुरक्षा निकायले आवागमनलाई व्यवस्थित र सुरक्षित बनाउन निगरानी तथा चेकजाँचलाई तीव्र बनाएको छ।
………………
पोस्ट मिति : २०८३ कात्तिक ११ गते
समय : दिउँसो ३ .१५ बजे
ओझेलका खबर — खबर भित्रको खबर
………………..
सन्तुलित आलोचना, रचनात्मक सुझाव र मार्गदर्शनमूलक टिप्पणीलाई स्वागत छ। गालीगलौज तथा अमर्यादित टिप्पणी नगरौँ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
