काठमाडौँ: नेपाली सांगीतिक बजारमा फेरि अर्को उत्कृष्ट म्युजिक भिडियो ‘पारी तारे भिर’ (Pari Tare Bhir) सार्वजनिक भएको छ। अप्रिल १०, २०२६ मा ‘MT Mahar Official’ नामक युट्युब च्यानलमार्फत यो नयाँ गीत दर्शक तथा श्रोतामाझ ल्याइएको हो।
यस गीतमा अशोक देव परियार को उत्कृष्ट शब्द सिर्जना रहेको छ। चर्चित गायिका शान्ति श्री परियार, पुजा मगर, एमटी महर लगायतको सुमधुर स्वर तथा प्रस्तुति रहेको यस गीतले छोटो समयमै दर्शकहरुको मन जित्न सफल भएको छ। युट्युबमा रिलिज भएको केही दिनमै यस भिडियोलाई ३७ हजार भन्दा बढी पटक हेरिएको छ भने दर्शकहरुबाट राम्रो प्रतिक्रिया र लाइक प्राप्त भइरहेको छ।
“पारी तारे भिर… मेरी मायालाई छेक्यो डाँडैले” जस्ता मार्मिक शब्दहरू मार्फत गीतकार परियारले माया, प्रेम र विछोडको गहिरो कथा बुनेका छन्। १३ मिनेट ४१ सेकेन्ड लामो यस म्युजिक भिडियोमा ग्रामिण परिवेश, प्रेमिल संवाद र विछोडको पिडालाई निकै कलात्मक ढंगले प्रस्तुत गरिएको छ। भिडियोको अन्त्यतिर समावेश गरिएको भावनात्मक संवादले दर्शकको मन छुन्छ।
नेपाली मौलिकपन र लोक भाका मन पराउने सम्पूर्ण दर्शकहरूका लागि यो गीत एक उत्कृष्ट सांगीतिक खुराक बन्न सक्छ। गीतको शब्द, संगीत र भिडियो निर्माणमा निकै राम्रो मिहिनेत गरिएको प्रस्ट देखिन्छ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
