दुदिलाभाटीमा ३ दिने व्यावसायिक गाईभैँसी पालन तालिम सम्पन्न

बागलुङ: गलकोट नगरपालिका वडा नम्वर १ दुदिलाभाटीमा ३ दिने व्यवसायिक गाईभैंसी पालन तालिम सम्पन्न भएको छ ।

दुदिलाभाटी बहुउद्देश्यीय कृषी तथा पशुपालन समूहको आयोजना तथा गलकोट नगरपालिका पशुसेवा शाखाको प्राविधिक र आर्थिक सहयोगमा ३ दिने व्यवसायिक गाईभैंसी तालिम सम्पन्न भएको हो ।

कार्यक्रममा बोल्दै गलकोट नगरपालिका वडा नम्वर का वडा अध्यक्ष लाल बहादुर रानाले गाउँ तथा समाजको आधार कृषी र पशुपालन रहेको बताउँदै अहिलेको समयमा यस्ता परम्परागत पेशालाई वैज्ञानिक र व्यसायिक ढंगबाट अगाडि बढाउन आवश्यक रहेको बताउनुभएको थियो ।

गलकोट नगरपालिका वडा नम्वर १ भित्रका ३० जना कृषकहरूको उपस्थिति रहेको तालिममा गलकोट नगरपालिकाका पशु शाखा प्रमुख चिन्तामणि शर्मा, गलकोट नगरपालिकाका नायब पशु स्वास्थ्य प्राबिधिक राजन सुवेदी र बलाराम अधिकारिले असल पशुपालन अभ्यास, गाई भैंसीलाई सन्तुलित आहारको आवश्यकता, पशुमा लाग्ने रोगको पहिचान र निदान सम्बन्धि उपाय, उन्नत जातका घाँसको प्रयोग गरी दुध उत्पादन वृद्धि लगायतको बारेमा सहजीकरण गर्नुभएको थियो ।

त्यस्तै कार्यक्रममा ६० जना कृषकहरूलाई भिटामिन तथा मिनिरल वितरण गरिएको थियो ।

कार्यक्रम दुदिलाभाटी बहुउद्देश्यीय कृषी तथा पशुपालन समूहका अध्यक्ष नेत्र बहादुर बुढाथोकिको अध्यक्षता र सचिव मिन बहादुर पुनको सञ्चालनमा सम्पन्न भएको थियो ।