गोलकोत कोत मन्दिर व्यवस्थापन समितिको बैठक सम्पन्न

गलकोट: गलकोट नगरपालिका वडा नम्वर ३ हटियामा गोलकोत कोत मन्दिर व्यवस्थापन समितिको बैठक सम्पन्न भएको छ।

गत चैत महिनामा फुलपाती भित्राएको र अष्टमी, नवमीमा भेटि तथा सहयोग संकलन भएको रकमको आज कोत मन्दिर व्यवस्थापन समितिले बैठकको आयोजना गरी चैते दशैंको आम्दानी खर्च सार्वननिक गरिएको हो।

चैते दशैंमा १ लाख ६२ हजार ९ सय ३० आम्दानी हुँदा, १ लाख २९ हजार ९ सय ६५ रुपैयाँ खर्च भएको र ३२ हजार ९ सय ६५ बचत भएको गोलकोत मन्दिर व्यवस्थापन समितिका अध्यक्ष सन्त बहादुर खत्रीले जानकारी दिनुभयो।

बैठकमा गोलकोत मन्दिर आजिवन सदस्यबाट ४ लाख ३८ हजार ९ सय र संस्थापक सदस्यबाट ६ लाख ७० हजार १ सय ५० रुपैयां गरी ११ लाख ९ हजार ५० सङ्कलन भएको अध्यक्ष खत्रीले बताउनुभयो।

कार्यक्रममा बोल्दै गलकोट नगरपालिका वडा नम्वर ३ का वडा अध्यक्ष फम बहादुर खत्रीले गोलकोत कोत मन्दिरलाई विकास र विस्तार गरि बागलुङ जिल्लाकै प्रमुख ऐतिहाँसिक धार्मिक, सांस्कृतिक पर्यटकीय क्षेत्र बनाउन सबैले हातेमालो गर्दै अगाडि बढ्नुपर्ने बताउनुभयो।

बैठक गोलकोत मन्दिर व्यवस्थापन समितिका अध्यक्ष सन्त बहादुर खत्रीको अध्यक्षतामा सम्पन्न भएको थियो।