यसरी भत्कियो बागलुङ, काठेखोलाको पक्की पुल (भिडियो सहित)

बागलुङ: काठेखोलामा आएको बाढीले बागलुङको मालढुङ्गामा रहेको काठेखोला पुल भत्काएको छ। मालढुङ्गा-कुश्मिसेरा सडक खण्डको काठेखोला पुलमा बाढीले ठूलो क्षति पुर्याएको हो।

मंगलबार राती काठेखोलामा आएको बाढीले पुलको छेउछाउको भाग बगाएको बागलुङ नगरपालिका उपप्रमुख सुरेन्द्र खड्काले बताए। उहाँका अनुसार पुलमा यात्रा गर्नै नमिल्ने गरी भत्किएको छ। पुल भत्किएपछि बागलुङको दक्षिण क्षेत्रको सिधा यात्रा टुटेको छ।

बागलुङ नगरपालिका वडा नम्बर १२, १३, १४, जैमिनी नगरपालिका र बरेङ गाउँपालिका नागरिकलाई बागलुङ बजार आउजाउमा समस्या परेको छ।

आउनुहोस्, हेरौँ र शेयर पनि गरौँ:

श्रोत: ढोरपाटन न्यूज