निस्ती खोलाले बगाएर एकजना बेपत्ता

गुल्मी: मुसिकोट नगरपालिका-१, अरेवा घर भई हाल मुसिकोट नगरपालिका-२, निस्ती स्थित मामाघरमा बस्दै आएका ३१ वर्षिय बोम बहादुर कार्की हिजो बेलुका अन्दाजी ८ बजेको समयमा खोला तर्ने क्रममा बगाएर बेपत्ता भएका छन्।

सुस्तमनस्थितिका अविवाहित उनी ईस्मा गा.पा.-१, निस्ती स्थित मामाको खेतमा आई खेतबाट मामाघरमा फर्किने क्रममा खोलाले बगाएको मुसिकोट नगरपालिकाकी उपप्रमुख गंगा श्रेष्ठले बताएको अस्थायी प्रहरी पोष्ट, ठुलापोखरा, गुल्मीले जानकारी गराएको छ।

जानकारी प्राप्त हुनासाथ प्रहरी पोष्टबाट हवल्दार अशोक धावलको नेतृत्वमा पाँचजनाको टोली खटिई खोजतलास भईरहेको प्रहरीले जानकारी गराएको छ।