बढ्यो पेट्रोलियम पदार्थको मूल्य, हेर्नुहोस् नयाँ मूल्य

काठमाडौं: नेपाल आयल निगमले पेट्रोलियम पदार्थको मूल्य वृद्धि गरेको छ। ईण्डियन आयल कर्पोरेशनबाट आइतबार प्राप्त नयाँ मूल्यमा अनुसार मुल्य बढेर आएपिछ नेपाल आयल निगमले पेट्रोलमा प्रतिलिटर २ तथा डिजेल र मट्टितेलमा प्रतिलिटर ५ रुपैयाँका दरले मूल्य वृद्धि गरिएको नेपाल आयल निगमका प्रवक्ताले विज्ञप्तिमार्फत जानकारी गराएका छन्।

निगमका अनुसार नयाँ मुल्य आइतबार राति १२ बजेदेखि लागू हुने छ। अब पेट्रोल पहिलो वर्गमा प्रतिलिटर १६४.५०, दोस्रोमा १६६ र तेस्रो वर्गमा १६७ रुपैयाँ पुगेको छ भने डिजेल र मट्टितेलमा पहिलो वर्गमा १५४.५०, दोस्रोमा १५६ र तेस्रोमा १५७ रुपैयाँ पुगेको निगमले जनाएको छ।

तेस्रो वर्गमा राजधानी काठमाडौंलगायत पोखरा, दिपायल पर्दछन्। हवाइ इन्धन र एलपी ग्यासको भाउ भने घटबढ भएको छैन।