रेसुङ्गाका संस्थापक प्रमुख पल्ली १० बर्ष पछि फर्किए

गुल्मी, जेठ १: गुल्मीको रेसुङ्गा नगरपालिकाका संस्थापक कार्यकारी प्रमुख बाबुराम पल्ली १० बर्ष पछि सोही पालिकाको प्रमुख प्रशासकिय अधिकृतको जिम्मेवारी सम्हाल्न फर्किएका छन।

२०७१ साल बैशाख २५ गते नेपाल सरकारले रेसुङ्गा नगरपालिका घोषणा गरेको थियो। सोही बर्षको जेठ १ गते आफुले प्रमुख प्रशासकिय अधिकृतको जिम्मेवारी सम्हाल्न सुरु गरेको पल्लीले बताए।

‘तम्घास भिमचोक माथिको खानेपानीको कार्यालयमा सानो कोठाबाट नगरवासीलाई सेवा दिन सुरु गरेको थिएँ,’ पल्लीले भने, ‘२०७३ चैत्र ८ गते त्यहाँबाट गुल्मीकै कालिगण्डकी प्रमुख कार्यकारी अधिकृतको जिम्मेवारी सम्हल्न पुगेको हुँ। २०७४ को स्थानीय तहको निर्वाचन पछि प्रमुख प्रशासकिय अधिकृत भईएको हो।’

८ बर्ष सम्म त्यस पालिकाको प्रमुख प्रशासकिय अधिकृतको जिम्मेवारी सम्हालेका पल्ली २०८० भदौ ७ गते त्यहाँबाट सरुवा भई स्याङ्जाको जिल्ला समन्वय अधिकारीको जिम्मेवारी सम्हाल्न पुगेका थिए।

त्यति बेला सम्म पल्ली शाखा अधिकृत नै थिए। उनि गत फागुन १३ गते उपसचिवमा बढुवा भए पछि अहिले २०८१ जेठ १ गते १० बर्ष पछि रेसुङ्घाको प्रमुख प्रशासकिय अधिकृतको जिम्मेवारी सम्हाल्न आएको बताउँछन । पल्ली साविक जिल्ला विकास समितिमा योजा अधिकृकतको जिम्मेवारी समेत सम्हालेका थिए । स्याङ्जा घर भएका पल्लीले गुल्मीमा मिलनसार र कुशल अधिकृतको छवि बनाएका छन ।