गुल्मीमा माटोको ढिस्कोले पुरिएर एक महिलाको मृत्यु, एकजना घाइते

गुल्मी: माटाको डिस्कोले पुरेर गुल्मीकी एक महिलाको शनिबार अपरान्ह ज्यान गएको छ।

जिल्लाको रेसुङ्गा नगरपालिका -१४, पराल्मी स्थित घर लिप्ने माटो खन्ने क्रममा स्थानीय ५५ बर्षिय विष्णु कुमारी रानाको मृत्यु भएको हो।

जिल्ला प्रहरी कार्यालय गुल्मीका सूचना अधिकारी शंकर पोख्रेलका अनुसार रानाको गुल्मी अस्पतालमा उपचारका क्रममा मृत्यु भएको हो। एकाघरकी अर्की महिला गम्भीर घाइते भएकी छन।

मृतककी जेठानी ५४ बर्षिया हुमकला राना घाइते भएको र बोल्न नसक्ने अवस्थामा रहेको प्रहरीले जनाएको छ। संगै घाईते भएकी रानाको गुल्मी अस्पतालमा उपचार भईरहेको छ।

उनको इमर्जेन्सी वार्डमा राखिएको र चेक नभएको देवर नाता पर्ने प्रेम रानाले बताए।

सदरमुकामबाट पुर्व १२ किमि पर्ने घटनास्थलमा उद्धारका लागि प्रहरी निरीक्षक किरण सापकोटाको कामना प्रहरीको टोली पुगेको थियो। -फाइल तस्वीर